சென்னை: தெலுங்கு இயக்குனர் வம்சி இயக்கத்தில் விஜய் நடித்துள்ள திரைப்படம் வாரிசு. இப்படத்தில் ராஷ்மிகா மந்தனா, சரத்குமார் உள்ளிட்ட ஏராளமான நட்சத்திரங்கள் நடித்துள்ளனர். தில் ராஜூ தயாரித்துள்ள இந்த படத்திற்கு தமன் இசையமைத்துள்ளார்.
குடும்ப உணர்வுகளை சொல்லும் கதையாக இப்படம் உருவாகியுள்ளது. நேற்று இப்படத்தின் ட்ரெய்லர் வெளியாகி வரவேற்பை பெற்றுள்ளது. இந்நிலையில் இப்படம் வரும் பொங்கல் பண்டிகையை முன்னிட்டு ஜனவரி 11ஆம் தேதி திரையரங்குகளில் வெளியாக உள்ளதாக அறிவிக்கப்பட்டுள்ளது.
அதே தேதியில் அஜித் நடித்துள்ள துணிவு படமும் வெளியாக உள்ளது. ஒரே நாளில் இரண்டு முன்னணி நடிகர்களின் படங்கள் வெளியாவதால் ரசிகர்கள் மத்தியில் மிகுந்த எதிர்பார்ப்பு ஏற்பட்டுள்ளது.
இதையும் படிங்க: 'துணிவு' படத்தின் ரிலீஸ் தேதி அறிவிப்பு!
