பொங்கல் பண்டிகையை முன்னிட்டு விஜய் நடிப்பில் வாரிசு படமும், அஜித் நடிப்பில் துணிவு படமும் ஒன்றாக நேற்று வெளியாகின. வம்சி இயக்கியுள்ள வாரிசு படம் குடும்பங்கள் கொண்டாடும் படமாக இருப்பதாக பலரும் கருத்து தெரிவித்து வருகின்றனர். நீண்ட இடைவெளிக்குப் பிறகு விஜய் முழு குடும்ப சென்டிமென்ட் படத்தில் நடித்துள்ளதாக ரசிகர்கள் தெரிவித்துள்ளனர்.
எச்.வினோத் இயக்கத்தில் அஜித் நடித்துள்ள துணிவு திரைப்படம் மாஸ் ஆக்ஷன் படமாக இருப்பதாக ரசிகர்கள் கொண்டாடி வருகின்றனர். ஸ்டைலான கலக்கல் அஜித்தை இப்படத்தில் பார்த்ததாகப் படம் பார்த்த ரசிகர்கள் கருத்து கூறுகின்றனர். இரண்டு படங்களும் நல்ல விமர்சனங்களைப் பெற்று வரும் நிலையில், அடுத்த வாரம் வரை திரையரங்குகளில் எங்கும் டிக்கெட் இல்லை.
இந்த நிலையில் துணிவு திரைப்படம் தமிழகத்தில் முதல் நாளில் ரூ.24.95 கோடி வரை வசூலித்துள்ளதாகக் கூறப்படுகிறது. வாரிசு திரைப்படம் ரூ.19.43 கோடி மட்டுமே வசூலித்துள்ளதாகத் தகவல் வெளியாகியுள்ளது. இதன்படி மீண்டும் தான் ஒரு ஓபனிங் கிங் என்பதை அஜித் நிரூபித்துள்ளார் என்கின்றனர். ஆனால் இந்திய அளவில் வசூலில் வாரிசு திரைப்படம் அதிகமாக வசூலித்துள்ளதாகத் தகவல் வெளியாகியுள்ளது. இனிவரும் காலங்களில் பொது ரசிகர்கள் படத்தைப் பார்த்த பின்பு தான் உண்மையான வசூல் என்ன என்பது தெரியவரும்.
இதையும் படிங்க:திரையரங்குகளில் சிறப்பு காட்சிகளுக்கு மீண்டும் அனுமதி - தமிழ்நாடு அரசு
