மணிரத்னம் இயக்கத்தில் பெரும் நட்சத்திரப்பட்டாளம் நடித்திருக்கும் திரைப்படம் 'பொன்னியின் செல்வன்'. செப்டம்பர் 30ஆம் தேதி இத்திரைப்படம் வெளியாகும் நிலையில் படக்குழு விளம்பர வேலைகளில் பிஸியாக உள்ளது.
தமிழ்நாடு மட்டுமின்றி அண்டை மாநிலங்கள், வட மாநிலங்களுக்குச்சென்று புரொமோஷன் வேலைகளில் ஈடுபட்டுள்ளனர். இந்த நிலையில் பொன்னியின் செல்வன் பாகம் 1 சென்சார் போர்டுக்கு அனுப்பப்பட்டது. இதற்கு சென்சார் குழு யு/ஏ சான்று வழங்கியுள்ளது.
மேலும் இதில் படத்தின் நீளம் குறித்த தகவலும் தெரியவந்துள்ளது. 2 மணி நேரம் 47 நிமிடங்கள் படம் ஓடும் வகையில் தயாராகியுள்ளது. இப்படத்துடன் போட்டியிடும் தனுஷின் 'நானே வருவேன்' படத்தின் புதிய அப்டேட் கிடைத்துள்ளது.
யுவனின் இசையில் அண்மையில் வெளியான வீரா சூரா பாடலுக்கு நல்ல வரவேற்பு கிடைத்த நிலையில், நாளை காலை 10.50 மணிக்கு 'ரெண்டு ராஜா' பாடல் வெளியாக உள்ளது. அடுத்தடுத்த அப்டேட்கள் கோலிவுட் ரசிகர்களுக்கு மகிழ்ச்சியை அளித்துள்ளது.
இதையும் படிங்க: பொன்னியின் செல்வன் புகைப்பட தொகுப்பு
