வேலூர் மாவட்டம் குடியாத்தம் சரகுப்பம் பகுதியை சேர்ந்த நடராஜன் என்பவரின் மனைவி அமராவதி (82). இவருக்கு 4 ஆண் பிள்ளைகள், 4 பெண் பிள்ளைகள் உள்ளனர். நடராஜன் உயிரோடு இருக்கும் போது தனது நிலத்தை தனது வாரிசுகளுக்கு பிரித்து கொடுத்துள்ளார்.
2 ஏக்கர் நிலம் தாய் அமராவதிக்கு இருந்துள்ளது. இந்நிலையில் இவரது இளைய மகன் ரவி என்பவர் தனது 2 ஏக்கர் நிலத்தை 3 தங்கை மற்றும் தாய்க்கு பிரித்து எழுதி வைப்பதாக பொய் கூறியுள்ளார். பின்னர் தாய், தங்கைகளின் மொத்த சொத்தையும் ஏமாற்றி எழுதி வாங்கியுள்ளார்.
இதனை அறியாத தங்கைகள் தங்கள் நிலத்துக்கான பட்டாவை கேட்டபோது, பட்டா இல்லை என்றும் அது தன்னுடைய சொத்து எனவும் கூறினார். தாய் அமராவதியையும் வீட்டை விட்டு வெளியேற்றியுள்ளார்.
ஆகவே ஏமாற்றி வாங்கிய சொத்தை மீட்டு தரக்கோரி அவரது தாய், தங்கைகள் இன்று வேலூர் மாவட்ட வருவாய் அலுவலர் அலுவலகத்தில் புகார் மனு அளித்தனர். சொத்தை ஏமாற்றி வாங்கிய ரவி மாதனூர் அடுத்த உள்ளியில் உள்ள அரசு டாஸ்மாக்கில் மேலாளராக பணியாற்றி வருகிறார்.
இதையும் படிங்க: 24 மாவட்ட அரசுப்பள்ளிகளில் தற்காலிக ஆசிரியர் நியமனம்!
