சென்னை: தமிழ்நாட்டில் இன்று (நவம்பர் 12) மேலும் 2112 பேருக்கு கரோனா தொற்று இருப்பது கண்டறியப்பட்டுள்ளதாக, மக்கள் நல்வாழ்வுத்துறை அறிவித்துள்ளது.
இது தொடர்பாக மக்கள் நல்வாழ்வுத் துறை வெளியிட்டுள்ள புள்ளி விவர தகவலில், "தமிழ்நாட்டில் ஆர்டிபிசிஆர் பரிசோதனை செய்வதற்கு திருச்சியில் மேலும் ஒரு ஆய்வகத்துக்கு இந்திய மருத்துவ ஆராய்ச்சி கழகம் அனுமதி அளித்துள்ளது. இதனால் பரிசோதனை மையங்களின் எண்ணிக்கை 208ஆக உயர்ந்துள்ளது. தமிழ்நாட்டில், இன்று மேலும் 76 ஆயிரத்து 574 நபர்களுக்கு ஆர்டிபிசிஆர் பரிசோதனை செய்யப்பட்டது. இதன் மூலம், 2112 நபர்கள் கரோனா தொற்றால் பாதிக்கப்பட்டிருப்பது கண்டறியப்பட்டுள்ளது.
தமிழ்நாட்டில் இதுவரை ஒரு கோடியே 5 லட்சத்து 85 ஆயிரத்து 460 நபர்களுக்கு ஆர்டிபிசிஆர் பரிசோதனை மேற்கொள்ளப்பட்டது. இதன் மூலம் ஏழு லட்சத்து 52 ஆயிரத்து 521 நபர்கள் கரோனா வைரஸ் தொற்றால் பாதிக்கப்பட்டிருந்து தெரியவந்தது. அவர்களில், தற்போது மருத்துவமனைகள், தனிமைப்படுத்தும் மையங்களில் 18 ஆயிரத்து 395 நபர்கள் சிகிச்சைப் பெற்று வருகின்றனர்.
மருத்துவமனைகளில் சிகிச்சைப் பெற்று வந்த நோயாளிகளில் குணமடைந்த 2347 பேர் இன்று வீட்டுக்கு அனுப்பி வைக்கப்பட்டுள்ளனர். இதனால் குணமடைந்தவர்களின் மொத்த எண்ணிக்கை 7 லட்சத்து 22 ஆயிரத்து 686ஆக உயர்ந்துள்ளது. சிகிச்சைப் பெற்று வந்தவர்களில் தனியார் மருத்துவமனைகளில் 12 பேர், அரசு மருத்துமனைகளில் 13 பேர் என 25 பேர் இன்று உயிரிழந்தனர். இதன் மூலம் இறந்தவர்களின் மொத்த எண்ணிக்கை 11 ஆயிரத்து 440ஆக உயர்ந்துள்ளது.
மாவட்ட வாரியாக மொத்த பாதிப்பு:
சென்னை - 2,07,173
கோயம்புத்தூர் - 45,875
செங்கல்பட்டு - 45,403
திருவள்ளூர் - 39,337
சேலம் - 28,549
காஞ்சிபுரம் - 26,553
கடலூர் - 23,710
மதுரை - 19,202
வேலூர் - 18,607
திருவண்ணாமலை - 18,170
தேனி - 16,410
தஞ்சாவூர் - 15,910
விருதுநகர் - 15,635
தூத்துக்குடி - 15,415
கன்னியாகுமரி - 15,347
ராணிப்பேட்டை - 15,221
திருநெல்வேலி - 14,530
விழுப்புரம் - 14,229
திருப்பூர் - 14,065
திருச்சிராப்பள்ளி - 12,956
ஈரோடு - 11,428
புதுக்கோட்டை - 10,885
கள்ளக்குறிச்சி - 10,474
திண்டுக்கல் - 10,001
திருவாரூர் - 10,066
நாமக்கல் - 9749
தென்காசி - 7922
நாகப்பட்டினம் - 7136
திருப்பத்தூர் - 6962
நீலகிரி - 7036
கிருஷ்ணகிரி - 6993
ராமநாதபுரம் - 6100
சிவகங்கை - 6113
தருமபுரி - 5827
அரியலூர் - 4488
கரூர் - 4490
பெரம்பலூர் - 2219
சர்வதேச விமானத்தில் வந்தவர்கள் - 925
உள்நாட்டு விமானத்தில் வந்தவர்கள் - 982
ரயில் மூலம் வந்தவர்கள் - 428