இது குறித்து அப்பேரவையின் தலைவர் சந்திரசேகரன் தனுஷிற்கு அனுப்பிய கடிதத்தில், "தாங்கள் 'கர்ணன்' என்னும் தலைப்பிலான திரைப்படத்தில் நடித்துள்ளதாக அறிகிறோம்.
நடிகர் திலகம் சிவாஜியின் லட்சோபலட்ச ரசிகர்களுக்கு மட்டுமல்ல, உலகெங்கும் வாழும் தமிழர்களுக்கும் 'கர்ணன்' என்றாலே நினைவில் நிற்பது நடிகர் திலகத்தின் 'கர்ணன்' திரைப்படம் மட்டும்தான்.
ஒரு திரைப்படத்தின் பெயரை மீண்டும் பயன்படுத்த சட்டப்படி இடமிருந்தாலும், நியாயப்படி, மனசாட்சிப்படி சில திரைப்படங்களின் பெயர்கள் மீண்டும் பயன்படுத்தாமல் தவிர்க்கப்பட வேண்டும். ஏனெனில், அந்தப் பெயர்களே திரைப்படத்தின் கதைக்களத்தைத் தாங்கி கால காலத்திற்கும் நிலைத்து நிற்கக்கூடியதாக உள்ளது.
அந்தவகையில், தாங்களின் 'திருவிளையாடல்' திரைப்படத்திற்கும், எதிர்ப்புத் தெரிவித்தோம். அதன்பின் 'திருவிளையாடல் ஆரம்பம்' என அப்படம் பெயர் மாற்றம் செய்யப்பட்டு வெளிவந்தது.
அதையடுத்து வெளிவந்த 'உத்தமபுத்திரன்' திரைப்படத்திற்கு நாங்கள் எந்த எதிர்ப்பும் தெரிவிக்கவில்லை. அதுமட்டுமல்லாமல், ஆண்டவன் கட்டளை, ராஜா, பச்சை விளக்கு என்று நடிகர் திலகம் நடித்த படங்களின் பெயரிலேயே மீண்டும் பல திரைப்படங்கள் வெளிவந்துள்ளன.
அதுபோன்ற சமூகப்படங்களின் பெயர்களை மீண்டும் பயன்படுத்த எந்த ஆட்சேபனையும் தெரிவிக்கப்போவதில்லை. ஆனால், சரஸ்வதி சபதம், திருவிளையாடல், கர்ணன், வீரபாண்டிய கட்டபொம்மன், கப்பலோட்டிய தமிழன் போன்ற குறிப்பிட்ட தலைப்புகள் மீண்டும் பயன்படுத்தப்படக் கூடாது. ஏனெனில் அந்தத் திரைப்படங்களின் தலைப்புகளின் தனித்துவம் அப்படி.
இதையும் படிங்க: தனுஷின் 'கர்ணன்' படப்பிடிப்பு நிறைவு!
