மக்களவைத் தேர்தல் இன்னும் சில நாட்களில் நடைபெற இருக்கிறது. தமிழ்நாட்டுக்கு ஏப்ரல் 18ஆம் தேதி ஒரேகட்டமாக தேர்தல் நடக்க இருப்பதால் அரசியல் கட்சிகளின் தலைவர்கள்தீவிரபரப்புரையில் ஈடுபட்டு வருகின்றனர்.
அந்தவகையில், பிரதமர் நரேந்திர மோடி தமிழ்நாட்டில் எப்போது பரப்புரை மேற்கொள்வார் என பலத்த எதிர்பார்ப்பு எழுந்திருந்தது. இதற்கிடையே, அவர் வருகிற 8, 15, 16 ஆகிய மூன்று நாட்கள் தமிழ்நாட்டில் தேர்தல் பரப்புரை செய்ய உள்ளதாக கூறப்பட்டது.
இந்நிலையில் அவரது பரப்புரை பயணத்திட்டம் மாற்றப்பட்டுள்ளதாக தமிழக பாஜகவினர் கூறியுள்ளனர். அதன்படி, வருகிற 13ஆம் தேதி, தேனி மாவட்டம் ஆண்டிப்பட்டியிலும், ராமநாதபுரத்திலும் நடைபெறும் பொதுக்கூட்டங்களில் பிரதமர் மோடி பங்கேற்று பரப்புரை மேற்கொள்ள இருக்கிறார்.
அதன்பின்னர், 14ஆம் தேதி காலை சேலத்திலும், மாலை கோவை கொடிசியாவில் நடைபெறும் கூட்டத்திலும் பங்கேற்று அவர் பரப்புரை மேற்கொள்ள இருக்கிறார்.
