ஐஸ்வர்யா ராஜேஷ் நடிப்பில் கடந்த ஐந்து ஆண்டுகளுக்கு முன்பு வெளியான திரைப்படம் ‘காக்கா முட்டை’. இப்படத்தில் அவரது நடிப்பு பலராலும் பேசப்பட்டது.
பள்ளிக்குச் செல்லும் வயதில், வசதி இல்லாமல், ரயில் கரி அள்ளும் வேலைக்கு சென்ற இரண்டு ஏழைச் சிறுவர்களுக்கு பீட்ஸா சாப்பிடும் ஆசை தோன்றுகிறது. அவர்கள் அதற்காக என்னெல்லாம் செய்கிறார்கள் என்பதே படத்தின் கதையாகும்.
மிகவும் தத்ரூபமாக எடுக்கப்பட்ட இப்படம் ரசிகர்கள் மத்தியில் பெரும் வரவேற்பை பெற்றது. இந்நிலையில் காக்கா முட்டை திரைப்படம் வெளியாகி ஐந்து ஆண்டுகள் ஆகியுள்ளது. இது குறித்து ஐஸ்வர்யா ராஜேஷ் பதிவு ஒன்று வெளியிட்டுள்ளார்.
அதில், "காக்க முட்டை படம் வெளியாகி ஐந்து ஆண்டுகள் ஆகின்றது. இந்தப் படம் என் மனதுக்கு மிகவும் நெருக்கமான படம். இப்படி ஒரு அழகான படத்தை எனக்கு கொடுத்ததற்காக இயக்குநர் மணிகண்டனுக்கு எனது நன்றி" என்று கூறியுள்ளார்.
