புதுடெல்லி: மெட்டா என்று அழைக்கப்படும் பேஸ்புக், கம்யூனிட்டி சாட்ஸ் (Community Chats) என்ற அம்சத்தை அறிமுகப்படுத்தியுள்ளது. இதுகுறித்து மெட்டா நிறுவனத்தின் சிஇஓ மார்க் ஜூக்கர்பெர்க் தெரிவிக்கையில், “இதன் மூலம் பேஸ்புக் மெசெஞ்ஜர் மற்றும் பேஸ்புக் பக்கத்தின் மூலம் எழுத்து, ஆடியோ மற்றும் வீடியோ மூலம் பேச முடியும். மேலும் பேஸ்புக் குழுக்களிலும் இதனை பயன்படுத்தி பேசலாம்.
ஒரு குறிப்பிட்ட குழுவின் அட்மின், ஒரு தலைப்பில் தொடர்பியலை தொடங்கும்போது, ஆர்வத்துடன் இருக்கும் அனைவரும் அதில் பங்கு பெற முடியும். அதேநேரம் ஒரே குழுவில் பல்வேறு தலைப்புகளின் கீழ் உரையாடலை நிகழ்த்தலாம்.
இந்த குழுக்களில் இருந்து பயனர்கள் எந்நேரமும் வெளியேறவும், உள்ளே நுழையவும் முடியும். மேலும் குழுக்களில் உள்ள தகவல்கள் மற்றும் உரையாடல்கள் விரும்பத்தகாததாக இருந்தால், அது தொடர்பாக குழுவின் அட்மின் அல்லது நேரடியாக பேஸ்புக் நிறுவனத்தை தொடர்பு கொண்டு புகார் தெரிவிக்கலாம்” என கூறியுள்ளார்.
இதையும் படிங்க: Intel வெளியிட்டுள்ள 13 ஆம் தலைமுறை சிபியூவின் சிறப்பம்சம் ..
