அமிர்தசரஸ்: பஞ்சாபில் டிசம்பர் 15 முதல் ஜனவரி 15 வரை ஒரு மாதத்திற்கு அனைத்து சுங்கச்சாவடிகளையும் இலவசமாக்க கிசான் மஸ்தூர் சங்கர்ஷ் கமிட்டி முடிவு செய்துள்ளது என்று மாநில பொதுச் செயலாளர் சர்வான் சிங் பாந்தர் தெரிவித்துள்ளார்.
விவசாய பொருட்களுக்கு குறைந்தபட்ச ஆதார விலை(MSP) பிரச்சனைகளில் மத்திய, மாநில அரசுகள் அலட்சியப் கடைப்பிடிப்பதாக குற்றம்சாட்டிய சர்வான் சிங் பந்தேர்,"டிசம்பர் 15 முதல் ஜனவரி 15 வரை சுங்கச்சாவடிகளை இலவசமாக்குவோம். காலை 11 மணி முதல் மதியம் 1 மணி வரை டோல் பிளாசாக்கள் இலவசமாக்கப்படும். ஊதியம் பெறும் தொழிலாளர்களின் ஊதியம் அந்தக் காலகட்டத்தில் வழங்கப்படுவதையும் அமைப்பு உறுதி செய்யும்" என்றார்.
மேலும் "கிசான் மஸ்தூர் சங்கர்ஷ் கமிட்டி அரசு அலுவலகங்களுக்கு வெளியே அமைதியான முறையில் போராட்டம் நடத்தியது. ஆனாலும் அரசு விவசாயிகளில் கோரிக்கைகளை அலட்சியமாகப் புறக்கணிக்கிறது. இதனால் அரசு அலுவலர்கள், அரசியல் தலைவர்களின் வீடுகளை முற்றுகை போராட்டம் நடத்தப்படும்” என்று எச்சரிக்கை விடுத்துள்ளார்.
முன்னதாக, ஆட்சியர் அலுவலகம் முன்பு போராட்டத்தில் ஈடுபட்டிருந்த விவசாயிகள் மத்திய, மாநில அரசுகளுக்கு எதிராக முழக்கங்களை எழுப்பியதோடு, தலைவர்களின் உருவபொம்மையை எரித்தனர்.
இதையும் படிங்க: 6 மாதத்தில் 68 முறை விபத்தில் சிக்கிய வந்தே பாரத்!
