ஐதராபாத்: மெட்டா நிறுவனத்தின் சிஇஓ மார்க சக்கர்பெர்க் தொழில்நுட்ப உலகத்தில் பல சாதனைகளை படைத்து வரும் நிலையில் தற்பொழுது தற்காப்பு கலையிலும் கவனம் செலுத்தி சமீபத்தில் நடந்த பிரேசிலிய ஜியு ஜிட்சு தற்காப்பு கலை போட்டியில் ப்ளு பெல்ட் வென்றுள்ளார். இதனை அவர் இன்ஸ்டாகிராமில் பதிவிட்டு தனது மகிழ்ச்சியை வெளிபடுத்தி உள்ளார்.
39 வயதாகும் மார்க் சக்கர்பர்க், டேவ் கேமரிலோ என்பவரிடம் பயிற்சி பெற்று வந்தார். ப்ளு பெல்ட் பெற்றதை பெருமையாக கருதுவதாக மார்க் சக்கர்பெர்க் தனது இன்ஸ்டாகிராம் பக்கத்தில் பதிவிட்ட நிலையில், அதற்கு "உங்களை பற்றி அறிந்து கொள்வதும், பயிற்சியின் போது உங்களின் ஆர்வம் மற்றும் சிறந்த ஒழுக்கத்தை கடைபிடித்தீர்கள்” என மார்க் சக்கர்பர்கை பாராட்டியுள்ளார் அவரது பயிற்சியாளர் டேவ்.
மார்க் பிரேசிலிய ஜியு ஜிட்சுவில் ப்ளு பெல்ட் பெற்றதற்கு அவரது ரசிகர்கள் அவரின் இன்ஸ்டாகிராமில் லைக்குகளை தட்டி குவித்து வருகின்றனர். இவர் தனது இன்ஸ்டாகிராமில் 17 மில்லியன் ரசிகர்கள் பெற்றிருக்கிறார் என்பது குறிப்பிட தக்கது. மேலும், பல நெட்டிசன்கள் இவரது பதிவிர்க்கு கமண்ட் செய்து வருகின்றனர்.
இதையும் படிங்க: வாயில் பல்லி நுழைந்ததால் சிறுவன் உயிரிழப்பா? சத்தீஸ்கரில் மர்மம்!
"எலன் vs ஜுக்கர் சண்டைக்கான பட்டன்" என்று ஒரு நெட்டிசன் கருத்து தெரிவித்துள்ளார். “வாவ் ஆச்சிரியமாக உள்ளது, வாழ்த்துகள் சக்கர்பெர்க் எங்களால் நம்பவே முடியவில்லை” என மற்றொரு நெட்டிசன் கமண்ட் செய்துள்ளார். சில நாட்களுக்கு முன்பு எலோன் மஸ்க் மற்றும் மார்க் சக்கர்பெர்க் இடையே நடந்த வாக்குவாதத்தின் காரணமாக மார்க் தனது பயிற்சி பெற்ற உடலமைப்பு உடனான படத்தை சமூக ஊடகங்களில் வெளியிட்டார்.
பிரேசிலிய ஜியு ஜிட்சுவில் ஐந்து வகையான பெல்ட்கள் உள்ளதாகவும் அவை வெள்ளை, நீலம், ஊதா மற்றும் பழுப்பு நிலைகளை கடந்து தான் இறுதியாக கருப்பு பெல்ட் வாங்கப்படுகிறது என அவரது பதிவில் குறிப்பிட்டார். பின் அவர் தனது பயிற்சியாளர்யான டேவ் கேமரில்லோவிற்க்கு "5-வது டிகிரி பிளாக் பெல்ட்டிற்கு வாழ்த்துக்கள். நீங்கள் ஒரு சிறந்த பயிற்சியாளர். உங்கள் பயிற்சியில் இருந்து சண்டை மற்றும் வாழ்க்கையைப் பற்றி நான் நிறைய கற்றுக்கொண்டேன்" என பாராட்டியுள்ளார்.
39 வயதாகும் சக்கர்பெர்க் தொழில்நுட்ப துறையில் பல அப்டேட்களை விடுத்து மக்களிடையே எப்பொழுதும் பேசு பொருளாக இருக்கிறார் என்பது குறிப்பிடதக்கது.
இதையும் படிங்க: ட்விட்டர் லோகோவை மாற்ற திட்டம்? எலான் மஸ்கின் புதிய 'X' logo!
