இந்திய எல்லைக்குள் நுழைய தயார் நிலையில் 100 பயங்கரவாதிகள் - பாதுகாப்புப் படை தகவல்

உளவுத்துறை தகவலின்படி எல்லைப் பகுதியில் சுமார் நூற்றுக்கும் மேற்பட்ட பயங்கரவாதிகள் ஊடுருவ தயார் நிலையில் உள்ளதாக எல்லைப் பாதுகாப்பு படை தலைவர் ராஜா பாபு சிங் தெரிவித்துள்ளார்.

இந்தியா பாகிஸ்தான் எல்லை மற்றும் ஜம்மு காஷ்மீர் பாதுகாப்பு குறித்து எல்லைப் பாதுகாப்பு படையின் தலைவர் ராஜா பாபு சிங் பேசியுள்ளார். அவர் கூறியதாவது, 2021ஆம் ஆண்டு இந்திய பாகிஸ்தான் எல்லையில் அமைதி நிலவியது.

இருப்பினும் உளவுத்துறை அளித்த தகவலின்படி, எல்லைப் பகுதியில் சுமார் நூற்றுக்கும் மேற்பட்ட பயங்கரவாதிகள் ஊடுருவ தயார் நிலையில் உள்ளனர். காஷ்மீர் எல்லையில் சுமார் 96 கிமீ தூரத்தை எல்லைப் பாதுகாப்பு படை பாதுகாக்கிறது.