சர்வதேச புலிகள் தினம் நேற்று கொண்டாடப்பட்டது. இதையொட்டி, புலிகள் கணக்கெடுப்பு குறித்தான அறிக்கையை தேசிய புலிகள் பாதுகாப்பு ஆணையம் சார்பாக பிரதமர் நரேந்திர மோடி வெளியிட்டார்.
புலிகள் கணக்கெடுப்பு அறிக்கையின்படி, 2018ஆம் ஆண்டில் நடத்தப்பட்ட கணக்கெடுப்பில் 2014 முதல் 2018 வரை புலிகளின் எண்ணிக்கை எட்டு விழுக்காடு அதிகரித்துள்ளது. இதில் 2014ஆம் ஆண்டு நடத்தப்பட்ட கணக்கெடுப்பின்படி புலிகளின் எண்ணிக்கை 2,226 ஆக இருந்துள்ளது. 2018 ஆம் ஆண்டு நடத்தப்பட்ட கணக்கெடுப்பில் புலிகளின் எண்ணிக்கை 2,967 ஆக உயர்ந்துள்ளது.
இந்தியாவில் அதிகமான புலிகள் வாழும் மாநிலமாக மத்தியப் பிரதேசம் உள்ளது. இங்கு 526 புலிகள் உள்ளதாக தெரிவிக்கப்பட்டுள்ளது. அதிக புலிகள் வாழும் இரண்டாவது மாநிலமாக கர்நாடகா உள்ளது. இங்கு 524 புலிகள் இருப்பதாக குறிப்பிடப்பட்டுள்ளது.
தமிழ்நாட்டில் 2014ஆம் ஆண்டு புலிகளின் எண்ணிக்கை 229ஆக இருந்த நிலையில், 2018இல் 264ஆக உயர்ந்துள்ளது.
