இவர் இவ்வாறு பதிவிட்டதற்கு வலுவான ஒரு காரணமும் உள்ளது. மகாராஷ்டிராவின் முன்னாள் முதலமைச்சர் விலாஸ்ராவ் தேஷ்முக்கின் மகன் ரித்தேஷ். இவர் நடிகர், தயாரிப்பாளர் என பன்முகம் கொண்டவர். விலாஸ்ராவ் இரண்டாவது முறையாக முதலமைச்சராக பதவி வகித்தபோதுதான், மும்பை பயங்கரவாதத் தாக்குதல் நடந்தது. நாட்டை உலுக்கிய இந்தத் தாக்குதலை மையமாக வைத்து, பிரபல தெலுங்கு பட இயக்குநர் ராம்கோபால் வர்மா படமாக்கினார்.
அப்படத்துக்கு விலாஸ்ராவ் தேஷ்முக் உதவினார் என்றும் தனது மகனுக்கு வாய்ப்பு கேட்டார் எனவும் அப்போது எதிர்க்கட்சியாக இருந்த பாரதிய ஜனதாவினர் குற்றச்சாட்டை முன்வைத்தனர். இதனை விலாஸ்ராவ் திட்டவட்டமாக மறுத்தார்.
மேலும் மும்பைத் தாக்குதல் சம்பவத்தால் தனது பதவியையும் இழந்தார். தற்போது அவர் உயிருடன் இல்லை. இந்த நிலையில் அவரது மகன்கள் மூன்று பேரும் தற்போது காங்கிரஸ் சார்பில் போட்டியிட்டு வெற்றிபெற்றுள்ளனர்.
ரித்தேஷின் அண்ணன் அமித் மூன்றாவது முறையாக எம்.எல்.ஏ. ஆகியுள்ளார். அவரின் தம்பி தீரஜ் எம்.எல்.ஏ. ஆவது இது முதல் முறை. இந்த நிலையில்தான் நாங்கள் சாதித்துவிட்டோம் அப்பா என்று ரித்தேஷ் தனது ட்விட்டர் பக்கத்தில் உருக்கமாகப் பதிவிட்டிருந்தார்.
இந்த நிலையில் அவரின் மகன்கள் மூன்று பேருக்கும் மகாராஷ்டிரா மக்கள் வெற்றியைப் பரிசளித்துள்ளனர். முன்னதாக இந்தப்படச் சர்ச்சை குறித்து விளக்கம் அளித்த ரித்தேஷ், தன் தந்தை தனது படவாய்ப்புக்காக யாரிடமும் பேசியது கிடையாது. அதற்காக தான் பெருமை கொள்வதாகவும் குறிப்பிட்டிருந்தார்.
இதையும் படிங்க: மனதை உருக்கும் பள்ளிக் குழந்தைகள் - தண்ணீருக்காக 14 கி.மீ. ரயில் பயணம்!
