ஆந்திர மாநிலத்தில் உள்ள 175 சட்டப்பேரவை தொகுதிகள், 24 மக்களவைத் தொகுதிகளுக்கான தேர்தல் நடைபெற்றது. அதில் 151 சட்டப்பேரவை தொகுதிகளிலும், 22 மக்களவைத் தொகுதிகளில் ஒய்எஸ்ஆர் காங்கிரஸ் அமோக வெற்றியை பெற்றது. இதனையடுத்து முதலமைச்சர் பதவியில் இருந்து சந்திரபாபு நாயுடு ராஜினாமா செய்தார்.
இந்நிலையில் வெற்றிப் பெற்ற ஒய்எஸ்ஆர் காங்கிரஸ் தலைவர் ஜெகன் மோகன் ரெட்டி, வரும் 30ஆம் தேதி முதலமைச்சராக பதவியேற்க உள்ளார். அதில் இந்திய முழுவதும் உள்ள அனைத்து கட்சிகளின் முக்கிய தலைவர்களுக்கு அழைப்பு விடுக்கப்படவுள்ளது. பிரதமர் நரேந்திர மோடியை நாளை நேரில் சந்தித்து ஜெகன் மோகன் ரெட்டி அழைக்கவுள்ளார்.
