தெலுங்கானா ராஷ்ட்ரிய சமிதி கட்சி எம்பியும், அம்மாநில முதலமைச்சர் சந்திரசேகர ராவின் மகளுமான கவிதாவுக்கு எதிராக 178 விவசாயிகள் வேட்புமனு தாக்கல் செய்துள்ளனர்.
தெலுங்கானா முதலமைச்சர் நடந்து முடிந்த சட்டப்பேரவை தேர்தலின் போது, மஞ்சளுக்கு குறைந்தபட்ச ஆதார விலை நிர்ணயித்து தருவேன் என வாக்குறுதி அளித்துள்ளார். அதனை வழங்காததால் அதிருப்தி அடைத்த விவசாயிகள் அவர் மகள் கவிதா போட்டியிடும் தொகுதியில் தங்கள் எதிர்ப்பை காட்டும் விதமாக மனுதாக்கல் செய்துள்ளனர்.
இதனையடுத்து மொத்தம் 185 பேர் போட்டியிடும் நிசாமாபாத் நாடாளுமன்றத் தொகுதியில், வாக்குச்சீட்டு முறையில் தேர்தல் நடத்தப்படும் என்று தேர்தல் ஆணையம் அறிவித்திருந்தது.
இந்நிலையில் இன்று நிசாமாபாத் தொகுதியில் வாக்குப்பதிவு இயந்திரமே பயன்படுத்தப்படும் என்று தேர்தல் ஆணையம் அறிவித்துள்ளது.
இது போன்று பிரதமர் நரேந்திர மோடி, போட்டியிடும் வாரணாசி தொகுதியில் 111 தமிழ்நாடு விவசாயிகள் மனுத்தாக்கல் செய்யவுள்ளனர். இதனால் வாரணாசி தொகுதியில் வாக்குச்சீட்டு பயன்படுத்தப்படவுள்ளது.
தேர்தல் வாக்கு பதிவு இயந்திரத்தில் அதிகபட்சமாக 64 வேட்பாளர்கள் பட்டியில் மட்டுமே பதிவு செய்யமுடியும். இதில் 64 வேட்பாளருக்கு மேல் இருந்தால் அந்த தொகுதியில் வாக்குச்சீட்டு முறை பின்பற்றப்படும்.
