யாருக்குதான் சொகுசாக இருக்க வேண்டும் என்ற ஆசை இருக்காது. நான், 'ஓவர் நைட்டுல ஓபாமா டா' என்ற வசனம் திரைப்படத்தில் மட்டும்தான் சாத்தியம். ஆனால், சிலருக்கு நிஜ வாழ்க்கையிலும் எதிர்பார்க்காத நேரத்தில் வீடு தேடிவரும். அப்படித்தான், அஸ்ஸாமில் ஒரு சம்பவம் அரங்கேறியுள்ளது.
அஸ்ஸாமில் பார்பேட்டா மாவட்டத்தில் பத்சலாவைச் சேர்ந்தவர் முகமது மோஃபிஸ் அலி. இவர் லாட்டரி மீது உள்ள அதீத ஆசையில் 13 பக்கங்களைக் கொண்ட லாட்டரி புத்தகத்தை வாங்கியுள்ளார். பின்னர், அதிலிருந்து ஐந்து பக்கங்களை தனது நண்பர்களுக்கு விற்பனை செய்துள்ளார்.
இந்நிலையில், அவர் மிச்சம் வைத்திருந்த எட்டு பக்கங்களில் சொகுசு கார் ஒன்று பரிசாக விழுந்தது அனைவரையும் ஆச்சரியத்தில் ஆழ்த்தியது. அவருக்கு 16 லட்சம் ரூபாய் மதிப்புள்ள டாடா ஹாரியர் சொகுசு கார் பரிசாகக் கிடைத்துள்ளது.
இதையும் படிங்க: பொதுமக்களே உஷார்..போலி கால் சென்டர் சலுகைய நம்பி ஏமாறாதீங்கோ!
