சண்டிகர்: பஞ்சாப் முதலமைச்சர் அமரீந்தர் சிங், இந்திய மருத்துவ நிறுவனத்தால் (ஐ.சி.எம்.ஆர்) அங்கீகரிக்கப்பட்ட கோவிட் எதிர்ப்பு தடுப்பூசியை மாநிலத்தில் முதல் முதலாக போட்டுக்கொள்ள முன்வந்துள்ளார். அதைத் தொடர்ந்து 1.25 லட்சம் சுகாதார ஊழியர்கள் அதைப் பெறுவார்கள்.
மாநில அரசு தனது மூன்று கோடி மக்கள்தொகையில் கிட்டத்தட்ட 23 சதவீதத்தினருக்கு இந்த தடுப்பூசி அளிக்க முன்னுரிமை அளித்துள்ளது. இதில் மொத்தம் 70 லட்சம் பேர் உள்ளனர். அவர்களில், சுகாதாரப் பணியாளர்கள், முன்னணி தொழிலாளர்கள், 50 வயதுக்கு மேற்பட்ட முதியவர்கள் மற்றும் முதல் கட்ட தடுப்பூசிக்கு முன்னுரிமை அளிக்கப்பட்டுள்ளனர்.
கேப்டன் அமரீந்தர் சிங், இந்த அறிவிப்பை பஞ்சாபின் கோவிட் நிலைமை மற்றும் தடுப்பூசி தயாரிக்க மாநிலத்தின் தயார்நிலை குறித்து விவாதிக்க கூடிய மெய்நிகர் அமைச்சரவைக் கூட்டத்தில் வெளியிட்டார்.
இது குறித்து, பஞ்சாப் சுகாதார செயலாளர் ஹுசன் லால் கூறுகையில், முதல் கட்டத்தில் தடுப்பூசி போட 1.25 லட்சம் அரசு மற்றும் தனியார் சுகாதார ஊழியர்களின் தரவுகளை தொகுத்துள்ளோம். தடுப்பூசி முன்னுரிமை குறித்த இந்திய அரசாங்கத்தின் வழிகாட்டுதலின் படி மாநில மக்கள் தொகையில் சுமார் 23 சதவீதம் பேருக்கு முதல்கட்டமாக தடுப்பூசி போடப்படும்” என்றார்.
இதையும் படிங்க: கோவிட் தடுப்பூசி சோதனை; தன்னார்வலராக முன்வந்த ஹரியானா அமைச்சர்!
