சென்னை: சென்னை பாரிமுனையில் உள்ள இராஜா அண்ணாமலை மன்றத்தில் முன்னாள் முதலமைச்சர் மு.கருணாநிதியின் நூற்றாண்டு நிறைவு விழாவை முன்னிட்டு, 'காலம் உள்ள வரை கலைஞர்' என்ற நவீன கண்காட்சியகம் மே 1ஆம் தேதியிலிருந்து துவங்கி நடைபெற்று வருகிறது.
இந்த கண்காட்சியை தமிழ்நாடு முதலமைச்சர் மு.க.ஸ்டாலின் உள்ளிட்ட பல்வேறு கட்சித் தலைவர்கள், திரைப்பிரபலங்கள் என பலரும் பார்வையிட்டனர். அதன் தொடர்ச்சியாக, இன்று விளையாட்டுத் துறை அமைச்சர் உதயநிதி ஸ்டாலின் பார்வையிட்டார். மேலும் கண்காட்சியை கண்டுகளித்த அமைச்சர் உதயநிதி ஸ்டாலின், அங்கு புகைப்படம் எடுத்துக் கொண்டார்.
மேலும், இந்த கண்காட்சியில் இந்து சமய அறநிலையத்துறை அமைச்சர் பி.கே.சேகர்பாபு, சென்னை மேயர் பிரியா ராஜன், வில்லிவாக்கம் சட்டமன்ற உறுப்பினர் வெற்றி அழகன் உள்ளிட்டோர் உடனிருந்தனர்.
