சூரிய ஒளியில் உருவான ஓவியம்.. வினேஷ் போகத்தை கவுரவித்த விருதுநகர் ஓவியர்! - Vinesh Phogat sunlight art

விருதுநகர்: விருதுநகரைச் சேர்ந்த இளைஞர் ஒருவர் சூரிய ஒளிக் கதிர்களால் இந்திய மல்யுத்த வீராங்கனை வினேஷ் போகத் படத்தினை வரைந்து அசத்தியுள்ளார். பாரிஸ் ஒலிம்பிக் மல்யுத்த போட்டியில் தகுதி நீக்கம் செய்யப்பட்டு, பதக்க வாய்ப்பை இழந்த இந்திய மல்யுத்த வீராங்கனை வினேஷ் போகத்திற்கு பெருமை சேர்க்கும் விதமாக அவரது உருவத்தை சூரிய ஒளிக் கதிர்களால் வரைந்து அசத்தியுள்ளார்.

விருதுநகர் மாவட்டம் சிவகாசியை சேர்ந்தவர் கார்த்திக். கல்லூரி பயிலும் இவர் இளம் வயதிலிருந்து ஓவியம் வரைவதில் மிகுந்த ஆர்வம் காட்டி வந்துள்ளார். இவர் தற்போது, சூரிய ஒளி மற்றும் கண்ணாடி லென்ஸ் மூலமாக சினிமா நட்சத்திரங்கள் மற்றும் விளையாட்டுப் போட்டிகளில் சாதனை படைத்த வீரர்களின் ஓவியங்களை சூரிய ஒளிக் கதிர்கள் மூலமாக வரைந்து அசத்தி வருகிறார்.

அந்த வகையில், தற்போது நடைபெற்ற பாரிஸ் ஒலிம்பிக் மல்யுத்த போட்டியில் 100 கிராம் எடை சர்ச்சையினால் தகுதி நீக்கம் செய்யப்பட்ட இந்திய மல்யுத்த வீராங்கனை வினேஷ் போகத்திற்கு பெருமை சேர்க்கும் விதமாக, அவரது உருவத்தை சூரிய ஒளிக் கதிர்களால் அழகாக வரைந்து கண்களுக்கு விருந்து படைக்கும் விதமாக அசத்தியுள்ளார். இது குறித்த வீடியோ தற்போது வைரலாகி வருகிறது.