சென்னை: தமிழகத்தில் நடந்து முடிந்த 18வது நாடாளுமன்றத் தேர்தல் முடிவுகள் நேற்று வெளியானது. இதில் தமிழ்நாட்டில் அதிக வாக்குகள் பெற்று வெற்றி பெற்ற வாக்காளர் குறித்து இந்த செய்தி தொகுப்பில் பார்க்கலாம்.
திருவள்ளூர் காங்கிரஸ் வேட்பாளர் சசிகாந்த் செந்தில் பெற்ற வாக்குகள் 7,96,956 (வித்தியாசம்: 5,72,155): திருவள்ளூர் தொகுதியில் காங்கிரஸ் கட்சியைச் சேர்ந்த சசிகாந்த் செந்தில் 7,96,956 வாக்குகள் பெற்று பாஜக வேட்பாளரை விட 5,72,155 வாக்குகள் வித்தியாசத்தில் வெற்றி பெற்றுள்ளார். இந்த தொகுதியில் இவரை எதிர்த்து போட்டியிட்ட பாரதிய ஜனதா கட்சியைச் சேர்ந்த வி.பொன் பாலகணபதி 2,24,801 வாக்குகள் பெற்று இரண்டாம் இடத்தில் உள்ளார். ஆனால், அவர் டெபாசிட்டை இழந்துள்ளார். மேலும், தேமுதிக வேட்பாளர் நல்லதம்பி 2,23,904 வாக்குகளும் மற்றும் நாம் தமிழர் கட்சி வேட்பாளர் 1,20,838 வாக்குகள் பெற்று டெபாசிட்டை இழந்துள்ளனர்.
திண்டுக்கல் சிபிஎம் வேட்பாளர் சச்சிதானந்தம் பெற்ற வாக்குகள்: 6,70,149 (வித்தியாசம்: 4,43,821): திண்டுக்கல் தொகுதியில் இந்திய (மார்க்சிஸ்ட்) கம்யூனிஸ்ட் கட்சியை சேர்ந்த சச்சிதானந்தம் 6,70,149 வாக்குகள் பெற்று 4,43,821 வாக்குகள் வித்தியாசத்தில் வெற்றி பெற்றுள்ளார். இந்த தொகுதியில் இவரை எதிர்த்து எஸ்டிபிஐ கட்சியை சேர்ந்த முஹம்மது முபாரக் 2,26,328 வாக்குகள் பெற்று இரண்டாம் இடத்தை பிடித்துள்ளார். மேலும் பாமக கட்சியை சேர்ந்த திலகபாமா 1,12,503 வாக்குகளும் நாம் தமிழர் கட்சியை சேர்ந்த கயிலைராஜன் 97845 வாக்குகள் பெற்று டெபாசிட்டை இழந்துள்ளனர்.
ஸ்ரீ பெரும்புதூர் திமுக வேட்பாளர் டி.ஆர்.பாலு பெற்ற வாக்குகள்: 7,58,611 (வித்தியாசம்: 4,42,009): ஸ்ரீ பெரும்புதூர் தொகுதியில் திமுக வேட்பாளர் டி.ஆர்.பாலு 7,58,611 வாக்குகள் பெற்று 4,42,009 வாக்குகள் வித்தியாசத்தில் வெற்றி பெற்றுள்ளார். இவரை அடுத்து இந்த தொகுதியில் அதிமுக வேட்பாளர் பிரேம்குமார் 2,71,582 வாக்குகள் பெற்று இரண்டாம் இடத்தை பிடித்துள்ளார். மேலும் தமிழ் மாநில காங்கிரஸ் கட்சியை சேர்ந்த வி என். வேணுகோபால் 2,10,110 வாக்குகளும் நாம் தமிழர் கட்சியை சேர்ந்த ரவிச்சந்திரன் 1,40,233 வாக்குகளும் பெற்று டெபாசிட்டை இழந்துள்ளனர்.
தூத்துக்குடி திமுக வேட்பாளர் கனிமொழி பெற்ற வாக்குகள்: 5,40,729 (வித்தியாசம்: 3,92,738): தூத்துக்குடி தொகுதியில் திமுக வேட்பாளர் கனிமொழி 5,40,729 வாக்குகள் பெற்று 3,92,738 வாக்குகள் வித்தியாசத்தில் வெற்றி பெற்றுள்ளார். மேலும் இவரை எதிர்த்து போட்டியிட்ட அதிமுக வேட்பாளர் சிவசாமி வேலுமணி 1,47,991 வாக்குகளும் தமிழ் மாநில காங்கிரஸ் வேட்பாளர் விஜயசீலன் 1,22,380 வாக்குகளும் மற்றும் நாம் தமிழர் கட்சி வேட்பாளர் ரௌயென ரூத் ஜான் 1,20,300 வாக்குகள் பெற்று டெபாசிட்டை இழந்துள்ளனர்.
பெரம்பலூர் திமுக வேட்பாளர் அருண் நேரு பெற்ற வாக்குகள்: 6,03,209 (வித்தியாசம்: 3,89,107): பெரம்பலூர் தொகுதியில் திமுக வேட்பாளர் அருண் நேரு 6,03,209 வாக்குகள் பெற்று 3,89,107 வாக்குகள் வித்தியாசத்தில் வெற்றி பெற்றுள்ளார். இவரை அடுத்து அதிமுக வேட்பாளர் சந்திரமோகன் 2,14,102 வாக்குகள் பெற்று இரண்டாம் இடத்தை பிடித்துள்ளார். மேலும், பாரத ஜனதா கட்சி வேட்பாளர் முன்னாள் நாடாளுமன்ற உறுப்பினர் பாரி வேந்தர் 1,61,866 வாக்குகளும் நாம் தமிழர் கட்சி வேட்பாளர் தேன்மொழி 1,13,092 வாக்குகள் பெற்று டெபாசிட்டை இழந்தனர்.
மேலும், அதிமுக தமிழ்நாட்டில் 10 தொகுதிகளில் டெபாசிட் இழந்துள்ளது. கன்னியாகுமரி, புதுச்சேரியில் 4வது இடத்துக்கு தள்ளப்பட்டுள்ளது. மேலும், தூத்துக்குடியில் திமுக வேட்பாளர் கனிமொழியை எதிர்த்து போட்டியிட்ட அனைவரும் டெபாசிட் இழந்துள்ளனர்.
இதையும் படிங்க: அதிமுக, பாஜகவை பின்னுக்கு தள்ளிய நாம் தமிழர்.. தொகுதி வாரியாக வாக்கு விபரம்.. மாநில கட்சி அந்தஸ்து கிடைக்க வாய்ப்பு! - Naam Tamilar Vote Sharing
