மாநில அரசியலில் நுழைவது எப்போது? எதிர்பாராத பதிலளித்த கனிமொழி! - kanimozhi about state politics

Kanimozhi: மாநில அரசியலுக்கு திரும்புவது குறித்து கட்சி முடிவெடுக்கும் என மாணவர்களுடன் கலந்துரையாடல் நிகழ்ச்சியில் தூத்துக்குடி எம்பி கனிமொழி தெரிவித்தார்.

சென்னை: சென்னை மயிலாப்பூரில், 'மாணவர்களுடன் ஒரு கலந்துரையாடல்' என்ற நிகழ்ச்சியை தனியார் நிறுவனம் ஒன்று ஏற்பாடு செய்தது. இந்நிகழ்ச்சியில் தூத்துக்குடி எம்பி கனிமொழி கலந்து கொண்டார். இதில், கனிமொழியிடம் மாணவர்கள் அரசியல் நுழைவு, வாரிசு அரசியல், திராவிட மடல், இந்தி திணிப்பு, சாதி மறுப்பு திருமணம், ஆணவக் கொலை, சமூக நீதி உள்ளிட்ட பல்வேறு கேள்விகளை எழுப்பினார்கள்.

அரசியல் நுழைவு: மறைந்த முன்னாள் முதலமைச்சர் கருணாநிதியின் கைது நிகழ்ச்சி அனைத்துமே புதிதாக இருந்தது. காவலர்களுடன் தான் ஒரு சாதாரண கேள்வி எழுப்பிய போதும், அதனையும் குற்றமாக எதிர்கொண்ட தருணத்தை நினைவு கூர்ந்தார். மேலும், அந்த அசாதாரண தருணத்திலும், கருணாநிதி எளிதாக, பயமின்றி, தெளிவாக ஒரு போராளியாக எதிர்கொண்டதையும், அதுவே தனது அரசியல் நுழைவு என்று தெரிவித்தார்.

Engaging with young minds is always heartwarming and refreshing. It was a pleasure to interact with the youngsters through @YouthTalksIN.

This mind-blowing session not only provided valuable insights but also underscored the vitality and potential of our younger generation. I… pic.twitter.com/ja1I744qNW

— Kanimozhi (கனிமொழி) (@KanimozhiDMK) August 27, 2024

பெண்களுக்கு எதிரான குற்றங்கள்: சட்டங்களை விடவும், சமூக ரீதியாக நாம் பல்வேறு முன்னெடுப்புகளை மேற்கொள்ள வேண்டும். பெண்களின் உரிமைகளை நிலைநாட்ட பல்வேறு ஆக்கப்பூர்வமான செயல்களைச் செய்ய வேண்டும். மேலும், பொதுவாழ்வில் பங்கேற்கும் பெண்கள் இத்தகைய கீழ்த்தரமான விமர்சனங்களை புறந்தள்ளி விட்டு தங்களின் செயல்கள் மூலமாக பதிலளிக்க வேண்டும் என்றார்.

குடும்ப அரசியல்: முதலமைச்சர் மு.க.ஸ்டாலினின் நீண்ட அரசியல் - அவசர கால சிறைவாசம் - பல்வேறு பதவிகளில் மக்கள் சேவையில் அனுபவம் உள்ளிட்ட பல்வேறு சாதனைகளைப் பட்டியலிட்டு பதிலளித்தார்.

கடைசியாக மாநில அரசியலுக்கு திரும்புவது மற்றும் உதயநிதி ஸ்டாலினுக்கு துணை முதலமைச்சர் பதவி குறித்த கேள்விக்கு, அதனை முதலமைச்சர் மு.க.ஸ்டாலின் மற்றும் அமைச்சரவை தான் முடிவு செய்யும் என்று பதிலளித்தார். பங்கேற்ற அனைத்து இளைஞர்களின் அரசியல், அறிவு மற்றும் சமூகப் பொறுப்பை கனிமொழி எம்.பி வெகுவாக பாராட்டினார்.

ஈடிவி பாரத் தமிழ்நாடு (Credits - ETV Bharat Tamil Nadu)

ஈடிவி பாரத் தமிழ் வாட்ஸ்ஆப் சேனலில் இணைய இங்கே க்ளிக் செய்யவும்

இதையும் படிங்க : 2016 திமுக தோல்விக்கு யார் காரணம்? ஆதவ் அர்ஜுனா முக்கிய கருத்து! - Aadhav Arjuna