சென்னை: சென்னை கிண்டியில் உள்ள ஆளுநர் மாளிகையில் தமிழ்நாடு ஆளுநர் ஆர். என் ரவியை பாஜக மூத்த தலைவர் தமிழிசை சௌந்தர்ராஜன் சந்தித்தார். பின்னர் செய்தியாளர்களை சந்தித்த தமிழிசை சௌந்தர்ராஜன் கூறுகையில், “தமிழக முதலமைச்சர் வெளிநாட்டில் சைக்கிள் ஓட்டுவதும் போஸ் கொடுப்பதுமாக இருக்கிறாரே தவிர பெரிய அளவில் செயலில் எதுவும் இல்லை. அந்நிய நாடுகளில் இருந்து தமிழகத்திற்கு முதலீடு வருகிறது என்றால் அது பிரதமர் வெளிநாடுகளுக்கு சென்று தேசத்தை பற்றி நல்ல எண்ணம் ஏற்படுத்தியதால் தான்.
மத்திய அரசு மாநில ஆசிரியர்களுக்கு சம்பளம் கொடுக்கவில்லை என்ற தவறான கருத்தை பதிவு செய்து வருகிறார்கள். மத்திய அரசு பள்ளிக்கல்வித்துறைக்கு கொடுக்க வேண்டிய நிதியில் 90 சதவீதம் எற்கனவே கொடுத்துவிட்டது. பி.எம்.ஸ்ரீ திட்டத்தை நடைமுறைப்படுத்துகிறோம் அதனால் மூன்றாவது, நான்காவது பங்கை கொடுங்கள் என்று சொல்லிவிட்டு, அதற்கு பின்னர் நடைமுறைப்படுத்த மாட்டோம் என்றால் என்ன அர்த்தம்.
மத்திய அரசு ஏற்கனவே கொடுத்த நிதியில் ஆசிரியர்களுக்கு சம்பளம் வழங்கலாம். இதை செய்யாமல் ஆசிரியர்களுக்கு ஊதியம் கொடுக்க முடியாது என கூறுவது திமுகவின் செயல் அற்ற திறன். தனியார் பள்ளிகளில் இந்தி கற்று கொடுக்கப்படவில்லையா?அரசு பள்ளி மாணவர்களை மட்டுமே துன்பத்துக்கு உள்ளாக்கிறார்கள்.
கார் ரேசிங் அவ்வளவு சீக்கிரமாக தொடங்க முடிகிறது. ஒரு புதிய கட்சி தொடங்கி மாநாடு நடத்துவதற்கு இடம் கேட்டால் கேள்வி கேட்கிறார்கள். கட்சியினரை அலையவிடுகிறார்கள். திமுகவிற்கு 2026யை பார்த்து பயம் வந்துவிட்டது. மாநாடு நடத்துவதில் இடம் கொடுப்பதில் என்ன பிரச்சனை. இந்த கருத்தை கூறுகிறேன் என்றால் விஜய்க்கு ஆதரவாக இருக்கிறேன் என்று இல்லை. விஜயின் கட்சியை தடுப்பது போல விஜயின் திரைக்காட்சியும் தடுக்கப்பார்க்கிறார்கள்ய
மலையாள சினிமாவை போல் தமிழ் சினிமா துறையிலும் பிரச்சினை இருக்கிறது என பாடகிகளும், நடிகைகளும் கூறி மாய்ந்து போனார்கள் அவர்களுக்கும் தீர்வு கிடைக்க வேண்டும். நேற்று கர்நாடக முதல்வர் நிகழ்ச்சியில் மேயர் கைகட்டிக்கொண்டு நிற்க்கிறார். தமிழகத்தின் தன்மானத்தையும், தன்னுரிமையையும் திமுக பிற மாநிலங்களிடம் விட்டுக்கொடுக்கிறது” என தமிழிசை சௌந்தர்ராஜன் கூறியுள்ளார்.
ஈடிவி பாரத் தமிழ் வாட்ஸ்ஆப் சேனலில் இணைய இங்கே க்ளிக் செய்யவும்
இதையும் படிங்க: ரூ.15 கோடியில் புதுப்பொலிவு பெறும் ராமேஸ்வரம் தீவு! அரசாணை வெளியீடு
