சென்னை: சென்னை குன்றத்தூர் அடுத்த மணஞ்சேரி பகுதியை சேர்ந்தவர் கிரிதரன் (34). இவர் குன்றத்தூர் பகுதியில் உள்ள பிரபல தனியார் வங்கியில் பணியாற்றி வருகிறார். இவரது மனைவி பவித்ரா, இவர்களுக்கு விஷாலினி(6) மற்றும் சாய் சுதர்சன் (4) ஆகிய இரண்டு குழந்தைகள் உள்ளன.
கிரிதரன் வீட்டில் எலி தொல்லை இருந்ததாகத் தெரிகிறது.இதனால் எலிகளைக் கொள்வதற்காக எலி மருந்தை வீட்டில் உள்ள சில இடங்களில் வைத்துள்ளனர். இந்த மருந்தானது வீடு முழுவதும் காற்றில் பரவியுள்ளது. இதனை சுவாசித்த குடும்பத்தைச் சேர்ந்த 4 பேருக்கும் சில மணி நேரங்களில் உடல்நல குறைவு ஏற்பட்டுள்ளது.
இதையும் படிங்க: தங்கை கண் முன்னே சடலமான கல்லூரி மாணவி.. நெல்லையில் நெஞ்சை உலுக்கிய சோக விபத்து..!
இதனையடுத்து உடனடியாக நான்கு பேரும் அருகில் இருந்த தனியார் மருத்துவமனையில் சிகிச்சை பெற்றனர். மேலும் மேல் சிகிச்சைக்காக சென்னை போரூரில் உள்ள தனியார் மருத்துவமனையில் அனுமதிக்கப்பட்டு சிகிச்சை பெற்றனர். இந்தநிலையில் சிகிச்சை பெற்று வந்த மகள் விஷாலினி, மகன் சாய் சுதர்சன் ஆகிய இருவரும் அடுத்தடுத்து சிகிச்சை பலனின்றி உயிரிழந்தனர்.
கணவன் மற்றும் மனைவி ஆகிய இருவரும் போரூரில் உள்ள தனியார் மருத்துவமனையில் சிகிச்சை பெற்று வருகின்றனர். எலி மருந்து காற்றில் பரவியதன் காரணமாக இரு குழந்தைகள் உயிரிழந்த சம்பவம் அப்பகுதி மக்களிடையே பெரும் சோகத்தையும், அதிர்ச்சியையும் ஏற்படுத்தி உள்ளது. இது தொடர்பாக குன்றத்தூர் போலீசார் வழக்குப் பதிவு செய்து விசாரணை மேற்கொண்டு வருகின்றனர்.
