சென்னை: லைகா புரொடக்ஷன்ஸ் தயாரிப்பில் டி.ஜே.ஞானவேல் இயக்கத்தில் ரஜினிகாந்த், அமிதாப் பச்சன், ஃபகத் ஃபாசில், ராணா டக்குபத்தி, மஞ்சு வாரியர், ரித்திகா சிங், துஷாரா விஜயன் உள்ளிட்ட நட்சத்திர நடிகர்கள் நடித்துள்ள திரைப்படம் ‘வேட்டையன்’. அனிருத் இசையமைத்துள்ள இத்திரைப்படம் இன்று (அக்.10) உலகமெங்கும் உள்ள திரையரங்குகளில் வெளியாகியுள்ளது.
வேட்டையன் திரைப்படம் தமிழ், தெலுங்கு, கன்னடம், ஹிந்தி ஆகிய மொழிகளில் வெளியாகியுள்ளது. சமூக நீதி கருத்துக்களை வலுவாக பேசும் டி.ஜே.ஞானவேல் இயக்கத்தில் ரஜினிகாந்த் நடித்துள்ள ’வேட்டையன்’ படத்தை காண ரசிகர்கள் ஆவலுடன் உள்ளனர். மேலும் இப்படத்தில் அமிதாப் பச்சன், ஃபகத் ஃபாசில், ராணா என மிகப்பெரிய நட்சத்திர பட்டாளமே ரஜினிகாந்துடன் இணைந்துள்ளது மேலும் எதிர்பார்ப்பை அதிகரித்துள்ளது.
அனிருத் இசையில் மனசிலாயோ மற்றும் hunter vantaar ஆகிய பாடல்கள் ரசிகர்களை முனுமுனுக்க வைத்துள்ளது. வேட்டையன் திரைப்படம் டிக்கெட் முன்பதிவில் 10 கோடிக்கு மேல் வசூல் செய்தது. இந்நிலையில் வேட்டையன் திரைப்படமும் ஜெயிலர் போல் வசூல் சாதனை படைக்கும் என எதிர்பார்க்கப்படுகிறது.
இதையும் படிங்க: ராஜாக்கண்ணு முதல் வேட்டையன் வரை.. கமர்ஷியலுக்காக பல்டி அடிக்கிறாரா ஞானவேல்?
இந்நிலையில் தமிழக அரசு அனுமதியுடன் தமிழகத்தில் பல்வேறு பகுதிகளில் வேட்டையன் திரைப்பட சிறப்பு காட்சிகள் காலை 9 மணிக்கு திரையிடப்பட்டது. சென்னை ரோகிணி திரையரங்கில் வேட்டையன் திரைப்பட வெளியீட்டை ரசிகர்கள் கொண்டாடி வருகின்றனர்.
ஈடிவி பாரத் வாட்ஸ்அப் சேனலில் இணைய இங்கே கிளிக் செய்யவும்
