சென்னை: மலையாள சினிமாவில் முன்னணி நடிகராக வலம் வருபவர் ஃபகத் ஃபாசில். இவர் நடிப்பில் கடந்த ஏப்ரல் மாதம் 11 ஆம் தேதி ஆவேசம் படம் வெளியானது. இப்படத்தை நஸ்ரியா மற்றும் ஃபகத் ஃபாசில் இணை தயாரித்தது. இப்படத்திற்கு இசையமைப்பாளர் சுசின் ஷ்யாம் இசையமைத்திருந்தார்.
இதில், மிதுன் ஜெய் ஷங்கர் உள்ளிட்ட பலர் நடிகர்கள் நடித்திருந்தனர். இப்படத்தை ரோமான்சம் என்ற நகைச்சுவை படத்தை இயக்கி வெற்றி பெற்ற ஜித்து மாதவன் இயக்கியிருந்தார். காமெடி கேங்ஸ்டர் ஜானரில் உருவான இப்படம் மலையாளம், தமிழ், தெலுங்கு ஆகிய மூன்று மொழிகளிலும் வரவேற்பைப் பெற்றது.
சமீபகாலமாக, தமிழ்நாட்டில் மலையாள திரைப்படங்கள் நல்ல வரவேற்பைப் பெற்று வரும் நிலையில், ஆவேசம் படம் பாக்ஸ் ஆபிஸில் ரூ.100 கோடிக்கும் மேல் வசூல் பெற்றது. illuminati, jaada, odimaga என படத்தின் அனைத்து பாடல்களும் பட்டிதொட்டி எங்கும் ஒலித்தது.
மேலும், இப்படத்தின் பாடல்கள் இன்ஸ்டாகிராமில் ரீல்ஸ்களாக வலம் வருகின்றன. இப்படத்தில் ஃபகத் ஃபாசில் பேசிய ’எடா மோனே’ என்ற டயலாக் ரசிகர்கள் மத்தியில் பிரபலமானது. எப்போதுமே பிற மொழிகளில் வெளியாகும் படங்கள் நன்றாக இருந்தால் அதை வெவ்வேறு மொழிகளில் ரீ-மேக் செய்வது வழக்கம். அந்த வகையில் ஆவேசம் திரைப்படத்தை தெலுங்கில் ரீ-மேக் செய்ய பணிகள் தொடரப்பட்டுள்ளதாக கூறப்படுகிறது.
இப்படத்தின் ரீ-மேக்கில் தெலுங்கு நடிகர் நந்தமுரி பாலகிருஷ்ணா ஹீராவாக நடிப்பதாக தகவல்கள் வெளியாகி உள்ளன. இவர் தமிழ் மொழியில் வெளியாகி வெற்றி பெற்ற பல படங்களின் தெலுங்கு ரீ-மேக்கில் நடித்து அதை வெற்றி பெறவும் செய்திருக்கிறார். ஆவேசம் படத்தின் ’ரங்கன்னா’ கேரக்டரில் நடிப்பது குறித்து பேச்சு அடிப்பட்டு வருவதாக கூறப்படுகிறது. ஆனால், இன்னும் அதிகாரப்பூர்வ அறிவிப்பு வெளியாக வில்லை.
முன்னதாக, இந்த ஆண்டின் தொடக்கத்தில் வெளியான மலையாள படங்களில் மஞ்சும்மல் பாய்ஸ், பிரேமலு, பிரம்மயுகம் வரிசையில் ஆவேசம் படமும் ரசிகர்கள் மத்தியில் நல்ல வரவேற்ப்பை பெற்று உலகளவில் ரூ.150 கோடிக்கும் மேல் வசூல் சாதனை படைத்தது.
ஈடிவி பாரத் தமிழ் வாட்ஸ்ஆப் சேனலில் இணைய இங்கே க்ளிக் செய்யவும்
இதையும் படிங்க: "கனத்த இதயத்துடன் எடுத்த முடிவு".. பிக் பாஸ் நிகழ்ச்சியில் இருந்து விலகிய கமல்ஹாசன்...அடுத்த தொகுப்பாளர் யார்? - Kamal Haasan
