சென்னை: தமிழ் சினிமாவில் முன்னணி இயக்குநராக வலம் வருபவர் பா.ரஞ்சித். அட்டகத்தி படத்தில் தொடங்கி தற்போது வரை தமிழ் சினிமாவில் தனது தனித்துவமான படங்களின் மூலம் குறிப்பிடத்தக்க ரசிகர்களைப் பெற்றுள்ளார். இவரது படங்கள் பெரும்பாலும் தாழ்த்தப்பட்ட மக்களின் வலியைப் பேசும் படங்களாக இருக்கும். மெட்ராஸ், கபாலி, காலா ஆகிய படங்கள் இவரது இயக்கத் திறமைக்குச் சான்றாக அமைந்த படங்களாகும்.
-
Wanna be mentally and physically strong.. #ChennaiMMA is the place 🔥🔥💪💪💪#MrX #Sarpatta2 pic.twitter.com/5eWc529Xi1
— Arya (@arya_offl) January 30, 2024 " class="align-text-top noRightClick twitterSection" data="
">Wanna be mentally and physically strong.. #ChennaiMMA is the place 🔥🔥💪💪💪#MrX #Sarpatta2 pic.twitter.com/5eWc529Xi1
— Arya (@arya_offl) January 30, 2024Wanna be mentally and physically strong.. #ChennaiMMA is the place 🔥🔥💪💪💪#MrX #Sarpatta2 pic.twitter.com/5eWc529Xi1
— Arya (@arya_offl) January 30, 2024
இந்நிலையில் கடந்த 2021 ஆம் ஆண்டு பா.ரஞ்சித் தயாரித்து, இயக்கிய திரைப்படம் சார்பட்டா பரம்பரை. இத்திரைப்படத்தின் கதாநாயகனாக நடிகர் ஆர்யா நடித்து இருந்தார். மேலும் நடிகர் பசுபதி, துஷாரா விஜயன், ஷபீர், ஜான் விஜய், கலையரசன் உள்ளிட்ட பலர் நடித்திருந்தனர். இதற்கு சந்தோஷ் நாராயணன் இசை அமைத்திருந்தார்.
இப்படம் நேரடியாக அமேசான் பிரைம் ஓடிடி தளத்தில் வெளியானது. 1960களில் சென்னையில் பிரபலமாக இருந்த சார்பட்டா பரம்பரை, இடியப்ப பரம்பரை ஆகிய இரண்டு குழுவினரின் இடையே நடைபெறும் குத்துச்சண்டை போட்டியை மையமாக வைத்து இப்படம் எடுக்கப்பட்டது.
ஓடிடியில் வெளியானாலும் இப்படம் ரசிகர்கள் மத்தியில் மிகப் பெரிய வரவேற்பைப் பெற்றது. ஆர்யா, பசுபதி உள்ளிட்ட அனைவரது நடிப்பும் பேசப்பட்டது. அக்காலத்தில் நடந்த குத்துச்சண்டை போட்டியை கண்முன் கொண்டு வந்து நிறுத்தியிருந்தார் இயக்குநர் பா.ரஞ்சித்.
ஆர்யாவும் கபிலன் என்ற கதாபாத்திரத்துக்காகக் கடுமையாக உழைத்திருந்தார். உடல் எடையைக் கூட்டி முரட்டு ஆசாமியாகப் படத்தில் தோன்றியிருந்தார். இத்திரைப்படத்தின் வெற்றியைத் தொடர்ந்து சார்பட்டா பரம்பரை படத்தின் இரண்டாம் பாகம் எடுக்க உள்ளதாக பா.ரஞ்சித் கடந்த ஆண்டு அறிவித்தார்.
இது ரசிகர்கள் மத்தியில் மிகுந்த எதிர்பார்ப்பு ஏற்படுத்தியது. மேலும் இப்படத்தை பா.ரஞ்சித்தின் நீலம் புரொடக்சன்ஸ் மற்றும் ஆர்யாவின் ஷோ பீப்பிள் இணைந்து தயாரிக்கின்றன. பா.ரஞ்சித் தற்போது விக்ரம் நடிப்பில் தங்கலான் படத்தை இயக்கி வருகிறார். கேஜிஎப்பில் நடக்கும் கதையாக இது உருவாகியுள்ளது. விரைவில் இப்படம் வெளியாகயுள்ளது. அதனைத் தொடர்ந்து சார்பட்டா பரம்பரை 2 படத்தின் பணிகளைத் தொடங்குவார் என தகவல்கள் வெளியாகியுள்ளன.
இந்த நிலையில் இப்படத்துக்காக நடிகர் ஆர்யா தனது உடலை கட்டுமஸ்தாக மாற்றி வருகிறார். இதற்காகச் சென்னையில் உள்ள குத்துச்சண்டை பயிற்சி மையத்தில் தினமும் பயிற்சி மேற்கொண்டு வருகிறார். அதன் வீடியோ ஒன்றை இன்று தனது சமூக வலைத்தள பக்கத்தில் பகிர்ந்துள்ளார் ஆர்யா. இந்த வீடியோ தற்போது சமூக வலைத்தளங்களில் வைரலாகி வருகிறது.
இதையும் படிங்க: ராசி இல்லாதா நடிகர்களா?... 'ப்ளூ ஸ்டார்' படம் மூலம் புத்துயிர் பெற்ற நடிகர்கள்!
