சென்னை : தமிழ் சினிமாவில் பிரம்மாண்ட இயக்குநர் என்று அறியப்படுபவர் ஷங்கர். இவரது இயக்கத்தில் வெளியான எந்திரன், எந்திரன் 2.0 உள்ளிட்ட படங்கள் பாக்ஸ் ஆபிஸில் வசூல் சாதனை படைத்தது. சமீபத்தில் இவரது இயக்கத்தில் நடிகர் கமல்ஹாசன் நடிப்பில் வெளியான இந்தியன் 2 திரைப்படம் ரசிகர்கள் மத்தியில் பரவலான வெற்றியை பெற்றது. அதனைத்தொடர்ந்து இந்தியன் 3 படமும் உருவாகி வருகிறது.
இந்நிலையில் இவர் நடிகர் ராம் சரணை வைத்து 'கேம் சேஞ்சர்' என்ற திரைப்படத்தை இயக்கி முடித்துள்ளார். இப்படத்தில் ராம் சரண் இரட்டை கதாபாத்திரங்களில் நடித்திருப்பதாக கூறப்படுகிறது. மேலும், நடிகை கியாரா அத்வானி, அஞ்சலி, எஸ்.ஜே.சூர்யா உள்ளிட்ட பலரும் முக்கியமான கதாபாத்திரங்களில் நடித்துள்ளனர்.
தமிழில் பல வெற்றிப் படங்களை இயக்கிய இயக்குநர் கார்த்திக் சுப்புராஜ், இப்படத்திற்கு திரைக்கதை எழுதியுள்ளார். சாய் மாதவ் புர்ரா வசனங்களை எழுதியிருக்கும், இப்படத்திற்கு இசையமைப்பாளர் தமன் இசையமைத்துள்ளார்.
இதையும் படிங்க : "தமிழில் தொடர்ந்து படங்கள் தயாரிக்க திட்டம்" - 'கேம் சேஞ்சர்' தயாரிப்பாளர் தில் ராஜூ!
இத்திரைப்படம் அடுத்த வருடம் பொங்கல் பண்டிகையை முன்னிட்டு, ஜன 10ம் தேதி திரையரங்குகளில் வெளியாக உள்ளதாக படக்குழு அறிவித்துள்ளது. இப்படத்தின் படப்பிடிப்பு ஹைதராபாத், நியூசிலாந்து, ஆந்திரப் பிரதேசம், மும்பை மற்றும் சண்டிகர் ஆகிய நகரங்களில் படமாக்கப்பட்டுள்ளது.
The game begins! 💥🔥
— Shankar Shanmugham (@shankarshanmugh) November 9, 2024
Elated and excited to present to you all the teaser of #GameChanger 🤗💥
TELUGU- https://t.co/afrQ4PvJj3
TAMIL- https://t.co/116lNJB9H5 #Gamechanger #GamechangeronJan10 @AlwaysRamCharan @advani_kiara @iam_SJSuryah @MusicThaman@actorsrikanth… pic.twitter.com/hv6IpWHJqH
இப்படத்தை பிரபல தயாரிப்பாளர் தில் ராஜூ தயாரித்துள்ளார். மிகப்பெரிய பட்ஜெட்டில் உருவாகியுள்ள இப்படம் ஷங்கருக்கு திருப்புமுனை படமாக இருக்கும் என்று எதிர்பார்க்கப்படுகிறது. இந்த நிலையில் இப்படத்தின் டீசர் இன்று(நவ 9) வெளியாகியுள்ளது.
டீசரின் தொடக்கத்தில், "பேசிக்கா ராம் மாதிரி நல்லவன் எவனும் இல்ல..ஆனால் கோவம் வந்தா" என்ற டயலாக் உடன் டீசர் தொடங்குகிறது. டீசர் முழுவதும் ஆக்சன் காட்சிகள் காட்டப்படுவதால், படத்தில் ஆக்சன் காட்சிகளுக்கு பஞ்சம் இருக்காது என இணையத்தில் ரசிகர்கள் தெரிவிக்கின்றனர்.
ஈடிவி பாரத் வாட்ஸ்அப் சேனலில் இணைய இங்கே கிளிக் செய்யவும்
