சென்னை: அறிமுக இயக்குநர் பிரபுராம் வியாஸ் இயக்கத்தில், நடிகர்கள் மணிகண்டன், ஸ்ரீ கெளரி பிரியா நடிப்பில் கடந்த பிப்ரவரி 9ஆம் தேதி ரஜினிகாந்தின் லால் சலாம் படத்திற்கு போட்டியாக லவ்வர் திரைப்படம் திரையரங்குகளில் வெளியானது.
நடிகர்கள் மணிகண்டன், ஸ்ரீ கௌரி பிரியா ஆகியோர் முதன்மை பாத்திரங்களில் நடித்து, காதலர்களுக்கு இடையில் நடக்கும் பிரச்னைகளை மையமாக வைத்து உருவாகியுள்ள இப்படத்திற்கு, ஷான் ரோல்டன் இசையமைத்துள்ளார். ஸ்ரேயாஸ் கிருஷ்ணா ஒளிப்பதிவு செய்துள்ளார். இப்படம் கடந்த பிப்ரவரி 9ஆம் தேதி திரையரங்குகளில் வெளியாகி, ரசிகர்கள் மத்தியில் நல்ல வரவேற்பை பெற்றது.
இப்படத்தில் கண்ணா ரவி, சரவணன், கீதா கைலாசம், ஹரிஷ் குமார், நிகிலா சங்கர், ரினி, பிண்டு பாண்டு மற்றும் அருணாசலேஸ்வரன் ஆகியோர் முக்கிய வேடங்களில் நடித்துள்ளனர். இந்நிலையில், லவ்வர் திரைப்படம் ஓடிடியில் வெளியாக இருப்பதாக அறிவிக்கப்பட்டுள்ளது.
கடந்த பிப்ரவரி 9ஆம் தேதி வெளியான லவ்வர் திரைப்படம், மார்ச் 9ஆம் தேதிக்கு முன்பாகவே ஓடிடியில் வெளியாகி இருக்க வேண்டும். ஆனால், சமீபத்தில்தான் அந்த படத்திற்கான ஓடிடி வியாபாரம் நடைபெற்று ஓடிடி ரிலீஸ் தேதியை அறிவித்துள்ளனர்.
அதன்படி, லவ்வர் திரைப்படம் வருகிற 27ஆம் தேதி முதல் டிஸ்னி பிளஸ் ஹாட்ஸ்டாரில் வெளியாகும் என தெரிவிக்கப்பட்டுள்ளது. ரஜினிகாந்த் நடித்த லால் சலாம் படத்தின் ஓடிடி ரிலீஸ் தேதி இன்னும் அறிவிக்கப்படாத நிலையில், லவ்வர் ஓடிடி ரிலீஸ் தேதி அறிவிக்கப்பட்டுள்ளது குறிப்பிடத்தக்கது.
இதையும் படிங்க: ஜாஃபர் சாதிக் விவகாரம்: ஈபிஎஸ், அண்ணாமலை மீது அவதூறு வழக்கு தொடர்ந்து முதலமைச்சர் மு.க.ஸ்டாலின்!
