இன்று மாலை வெளியாகிறது 'இந்தியன் 2' படத்தில் இடம்பெற்றுள்ள ’காலண்டர்’ பாடல்! - Indian 2 calender song

Indian 2 : ஷங்கர் இயக்கத்தில் கமல் ஹாசன் நடிப்பில் வெளியாக இருக்கும் 'இந்தியன் 2' திரைப்படத்தில் இடம்பெற்றுள்ள 'காலண்டர்' என்கின்ற பாடல் இன்று மாலை 6 மணிக்கு வெளியாக உள்ளது.

சென்னை: இயக்குநர் ஷங்கர் இயக்கத்தில் நடிகர் கமல்ஹாசன் நடிப்பில் வெளியாக இருக்கும் புதிய திரைப்படம் 'இந்தியன் 2'. இப்படத்தை லைகா புரொடக்சன்ஸ் தயாரித்துள்ளது. ஷங்கர் - கமல்ஹாசன் கூட்டணியில் 28 ஆண்டுகளுக்குப் பிறகு இந்தியன் திரைப்படத்தின் இரண்டாவது பாகம் தற்போது உருவாகியுள்ளது.

கமல்ஹாசன் உடன் காஜல் அகர்வால், ரகுல் ப்ரீத் சிங், பிரியா பவானி சங்கர், எஸ்.ஜே.சூர்யா, சித்தார்த், பாபி சிம்ஹா, மறைந்த நடிகர் விவேக் உள்ளிட்ட பலர் நடிப்பில், இசையமைப்பாளர் அனிருத் இசையில் தயாராகியுள்ள இப்படம் வருகிற ஜூலை 12ஆம் தேதி வெளியாக உள்ளது.

Turning up the heat! 🤩 The CALENDAR SONG lyric video from #Indian2 🇮🇳 is dropping today at 6️⃣ PM. Get ready to groove! 🔥

Rockstar @anirudhofficial musical 🎹
Lyrics @KabilanVai | @boselyricist | @KausarMunir ✍🏻
Vocals @SuViMusic | #AishwaryaSuresh | @SBhargaviSinger 🎙️
💃… pic.twitter.com/bRNiQsMJgK

— Lyca Productions (@LycaProductions) July 1, 2024

இந்நிலையில் படத்திலிருந்து ”காலண்டர் பாடல்” இன்று (ஜூலை 1) மாலை 6 மணிக்கு வெளியாகும் என படக்குழு அறிவித்துள்ளது. காலண்டர் பாடலை கபிலன் வைரமுத்து எழுதி உள்ளார். பாப் சிங்கர் சுவி, ஸ்ரவண பார்கவி, ஐஸ்வர்யா சுரேஷ், டெமி-லீ டெபோ ஆகியோர் பாடலை பாடியுள்ளனர். பாடல் அறிவிப்பு போஸ்டரை லைகா புரொடக்சன்ஸ் தனது எக்ஸ் பக்கத்தில் வெளியிட்டுள்ளது.

இதையும் படிங்க: "இந்திய சினிமாவே தங்கலானுக்காக தயாராக இரு" - தங்கலான் பற்றி ஜிவி பிரகாஷ் கூறிய சூப்பர் அப்டேட்! - GV PRAKASH ON THANGALAAN