புனே: மகாராஷ்டிராவின், புனே மாவட்டத்தில் நிகழ்ந்த ஹெலிகாப்டர் விபத்தில் இரண்டு விமானிகள் உட்பட மூன்று பேர் உயிரிழந்துள்ளனர். மகாராஷ்டிரா மாநிலம், புனே மாவட்டத்தில் உள்ள பாவ்தான் பகுதியில் இன்று காலை 6:45 மணியளவில் ஹெலிகாப்டர் ஒன்று விபத்துக்குள்ளாகி மூன்று பேர் உயிரிழந்துள்ளனர்.
இன்று காலை ஹெலிபேடில் இருந்து புறப்பட்ட சில நிமிடங்களில் அந்த ஹெலிகாப்டர் பாவ்தானில் உள்ள காட்டுப் பகுதியில் விழுந்து வெடித்து தீப்பிடித்து எரிந்துள்ளது. இந்த விபத்தில் ஹெலிகாப்டரில் பயணித்த இரண்டு விமானிகள், ஒரு பொறியாளர் ஆகிய மூவரும் சம்பவ இடத்திலேயே உயிரிழந்ததாக பிம்ப்ரி சின்ச்வாட் காவல்துறை தெரிவித்துள்ளது.
#WATCH | Maharashtra: Visuals from the spot in Pune where a private chopper crashed soon after it took off, claiming 3 lives. Police and Fire Department teams are present at the spot.
— ANI (@ANI) October 2, 2024
DCP Pimpri-Chinchwad says that a private helicopter of Heritage Aviation took off from… pic.twitter.com/U5QFJUOmjB
மேலும், விபத்து நடந்த இடத்தில் இரண்டு ஆம்புலன்ஸ்கள் மற்றும் நான்கு தீயணைப்பு வாகனங்கள் விரைந்து வந்து மீட்புப் பணிகள் மேற்கொள்ளப்பட்டுள்ளன. மேலும், ஹெலிகாப்டர் எதனால் விபத்துக்குள்ளானது என்ற காரணத்தைக் கண்டறிய உயர் மட்ட விசாரணை நடந்து வருகிறது.
ஈடிவி பாரத் தமிழ்நாடு வாட்ஸ் சேனல் மூலம் செய்திகளை உடனுக்குடன் அறிய இங்கே க்ளிக் செய்யவும்
