ਮਹਾਰਾਸ਼ਟਰ ਸਿਆਸੀ ਸੰਕਟ: ਕੱਲ੍ਹ ਮੁੰਬਈ ਜਾਣਗੇ ਸ਼ਿਵ ਸੈਨਾ ਬਾਗੀ ਆਗੂ ਏਕਨਾਥ ਸ਼ਿੰਦੇ, ਫਲੋਰ ਟੈਸਟ 'ਚ ਹੋਣਗੇ ਸ਼ਾਮਲ

ਗੁਵਾਹਟੀ: ਸ਼ਿਵ ਸੈਨਾ ਦੇ ਬਾਗੀ ਨੇਤਾ ਏਕਨਾਥ ਸ਼ਿੰਦੇ ਨੇ ਗੁਵਾਹਟੀ ਦੇ ਇੱਕ ਹੋਟਲ ਤੋਂ ਵਾਕਆਊਟ ਕਰ ਦਿੱਤਾ ਹੈ। ਬਾਗੀ ਨੇਤਾ ਏਕਨਾਥ ਸ਼ਿੰਦੇ ਨੇ ਗੁਵਾਹਟੀ ਵਿੱਚ ਪੱਤਰਕਾਰਾਂ ਨੂੰ ਕਿਹਾ ਕਿ ਉਹ ਬਹੁਮਤ ਸਾਬਤ ਕਰਨ ਲਈ ਕੱਲ੍ਹ ਮੁੰਬਈ ਪਰਤਣਗੇ। ਮਹਾਵਿਕਾਸ ਅਘਾੜੀ ਸਰਕਾਰ ਨੂੰ ਬਹੁਮਤ ਸਾਬਤ ਕਰਨਾ ਹੋਵੇਗਾ। ਇਸ ਪਿਛੋਕੜ ਵਿੱਚ ਏਕਨਾਥ ਸ਼ਿੰਦੇ ਗਰੁੱਪ ਦੀਆਂ ਸਿਆਸੀ ਹਰਕਤਾਂ ਤੇਜ਼ ਹੋ ਗਈਆਂ ਹਨ। ਏਕਨਾਥ ਸ਼ਿੰਦੇ ਨੇ ਕਿਹਾ ਕਿ ਮੈਂ ਮਹਾਰਾਸ਼ਟਰ ਦੀ ਸ਼ਾਂਤੀ ਅਤੇ ਖੁਸ਼ਹਾਲੀ ਲਈ ਪ੍ਰਾਰਥਨਾ ਕਰਨ ਲਈ ਇੱਥੇ ਹਾਂ। ਫਲੋਰ ਟੈਸਟ ਲਈ ਕੱਲ੍ਹ ਮੁੰਬਈ ਜਾਵਾਂਗੇ ਅਤੇ ਸਾਰੀ ਪ੍ਰਕਿਰਿਆ ਦਾ ਪਾਲਣ ਕਰਾਂਗੇ। ਬਾਗ਼ੀ ਸ਼ਿਵ ਸੈਨਾ ਆਗੂ ਏਕਨਾਥ ਸ਼ਿੰਦੇ ਮਹਾਰਾਸ਼ਟਰ ਦੇ ਚਾਰ ਹੋਰ ਵਿਧਾਇਕਾਂ ਨਾਲ ਗੁਹਾਟੀ ਦੇ ਕਾਮਾਖਿਆ ਮੰਦਰ ਪਹੁੰਚੇ ਹਨ।