ਅਮਰਨਾਥ ਗੁਫਾ ਨੇੜੇ ਬੱਦਲ ਫਟਿਆ, ਸੁਰੱਖਿਆ ਕਰਮਚਾਰੀਆਂ ਨੇ 4000 ਸ਼ਰਧਾਲੂਆਂ ਨੂੰ ਬਚਾਇਆ

ਅਨੰਤਨਾਗ— ਦੱਖਣੀ ਕਸ਼ਮੀਰ ਦੇ ਅਨੰਤਨਾਗ ਜ਼ਿਲੇ ਦੇ ਪਹਿਲਗਾਮ ਇਲਾਕੇ 'ਚ ਅਮਰਨਾਥ ਗੁਫਾ ਦੇ ਕੋਲ ਮੰਗਲਵਾਰ ਦੁਪਹਿਰ ਨੂੰ ਬੱਦਲ ਫੱਟਣ ਨਾਲ ਅਚਾਨਕ ਹੜ੍ਹ ਆ ਗਿਆ, ਫਿਲਹਾਲ ਅਮਰਨਾਥ ਯਾਤਰਾ ਨੂੰ ਰੋਕ ਦਿੱਤਾ ਗਿਆ ਹੈ। ਸੂਤਰਾਂ ਮੁਤਾਬਕ ਅੱਜ ਦੁਪਹਿਰ ਕਰੀਬ 3 ਵਜੇ ਭਾਰੀ ਮੀਂਹ ਤੋਂ ਬਾਅਦ ਅਮਰਨਾਥ ਗੁਫਾ ਨੇੜੇ ਅਚਾਨਕ ਬੱਦਲ ਫੱਟ ਗਿਆ। ਹਾਲਾਂਕਿ, SDRF ਅਤੇ ਸੁਰੱਖਿਆ ਬਲਾਂ ਦੀਆਂ ਟੀਮਾਂ ਨੇ ਕਰੀਬ 4 ਹਜ਼ਾਰ ਸ਼ਰਧਾਲੂਆਂ ਨੂੰ ਤੁਰੰਤ ਸੁਰੱਖਿਅਤ ਸਥਾਨ 'ਤੇ ਪਹੁੰਚਾਇਆ।