Chandrayaan 3: ਪੁਰੀ ਸਮੁੰਦਰ ਤੱਟ 'ਤੇ ਚੰਦਰਯਾਨ-3 ਦੀ ਰੇਤ ਉੱਤੇ ਕਲਾਕਾਰੀ, ਦਿੱਤਾ ਸਫ਼ਲਤਾ ਹਾਸਿਲ ਕਰਨ ਦਾ ਸੰਦੇਸ਼

ਚੰਦਰਯਾਨ-3 ਨੂੰ ਅੱਜ ਦੁਪਹਿਰ 2:35 ਵਜੇ ਆਂਧਰਾ ਪ੍ਰਦੇਸ਼ ਦੇ ਸ਼੍ਰੀਹਰੀਕੋਟ ਸਤੀਸ਼ ਧਵਨ ਪੁਲਾੜ ਕੇਂਦਰ ਤੋਂ ਲਾਂਚ ਕੀਤਾ ਜਾਵੇਗਾ। ਇਸ ਤੋਂ ਠੀਕ ਪਹਿਲਾਂ, ਵਿਸ਼ਵ ਪ੍ਰਸਿੱਧ ਰੇਤ ਕਲਾਕਾਰ ਪਦਮਸ਼੍ਰੀ ਸੁਦਰਸ਼ਨ ਪਟਨਾਇਕ ਨੇ ਓਡੀਸ਼ਾ ਦੇ ਪੁਰੀ ਨਲਾਦਰੀ ਬੀਚ 'ਤੇ ਚੰਦਰਯਾਨ 3 ਦੀ ਅਦਭੁਤ ਰੇਤ ਕਲਾ ਬਣਾਈ ਹੈ। ਇਸ ਰਾਹੀਂ ਉਨ੍ਹਾਂ ਨੇ ‘ਵਿਜੈ ਭਵ’ ਦਾ ਸੰਦੇਸ਼ ਦਿੱਤਾ ਹੈ। ਸੁਦਰਸ਼ਨ ਪਟਨਾਇਕ ਨੇ 500 ਸਟੀਲ ਦੇ ਕਟੋਰਿਆਂ ਦੀ ਵਰਤੋਂ ਕਰਕੇ ਚੰਦਰਯਾਨ-3 ਦੀ ਸ਼ਾਨਦਾਰ ਕਲਾਕਾਰੀ ਤਿਆਰ ਕੀਤੀ ਹੈ। ਦੱਸ ਦੇਈਏ ਕਿ ਇਸ ਕਲਾਕਾਰੀ ਦੀ ਲੰਬਾਈ 22 ਫੁੱਟ ਹੈ। ਇਸ ਨੂੰ ਬਣਾਉਣ ਲਈ 15 ਟਨ ਰੇਤ ਦੀ ਵਰਤੋਂ ਕੀਤੀ ਗਈ ਹੈ। ਚੰਦਰਯਾਨ-3 ਮਿਸ਼ਨ ਅੱਜ ਦੁਪਹਿਰ 2:35 ਵਜੇ ਲਾਂਚ ਕੀਤਾ ਜਾਵੇਗਾ। ਤੀਜੇ ਚੰਦਰ ਮਿਸ਼ਨ ਦੇ ਨਾਲ, ਇਸਰੋ ਦਾ ਉਦੇਸ਼ ਚੰਦਰਮਾ ਦੀ ਸਤ੍ਹਾ 'ਤੇ 'ਸਾਫਟ ਲੈਂਡਿੰਗ' ਵਿੱਚ ਮੁਹਾਰਤ ਹਾਸਲ ਕਰਨਾ ਹੈ।