ਸਾਡੇ ਸਮਾਜ ਵਿੱਚ ਔਰਤਾਂ ਦਾ ਸਰੀਰਕ ਸਬੰਧਾਂ ਤੋਂ ਬਾਅਦ ਚਰਮ ਸੁੱਖ ਬਾਰੇ ਗੱਲ ਕਰਨਾ ਉਨ੍ਹਾਂ ਹੀ ਸ਼ਰਮਨਾਕ ਮੰਨਿਆ ਜਾਂਦਾ ਹੈ ਜਿੰਨਾ ਪੁਰਸ਼ਾਂ ਦਾ ਆਪਣੇ ਦੋਸਤਾਂ ਵਿੱਚ ਇਸ ਬਾਰੇ ਗੱਲ ਕਰਨਾ ਮਜ਼ੇਦਾਰ। ਸਾਡੇ ਪੁਰਸ਼ ਪ੍ਰਧਾਨ ਸਮਾਜ ਵਿੱਚ ਹਮੇਸ਼ਾ ਇਸ ਗੱਲ ਨੂੰ ਤਵੱਜੋ ਦਿੱਤੀ ਜਾਂਦੀ ਹੈ ਕਿ ਸਰੀਰਕ ਸਬੰਧਾਂ ਨਾਲ ਪੁਰਸ਼ ਸੰਤੁਸ਼ਟ ਹੈ ਜਾਂ ਨਹੀਂ, ਉਹ ਅਨੰਤ ਜੋਸ਼ ਦਾ ਅਨੁਭਵ ਕਰ ਪਾਉਂਦਾ ਹੈ ਜਾਂ ਨਹੀਂ, ਪਰ ਔਰਤਾਂ ਦਾ ਕੀ ?
ਇੱਕ ਸੰਭੋਗ ਲਈ ਮਹਿਲਾ ਅਤੇ ਪੁਰਸ਼ ਦੋਵੇਂ ਹੀ ਜਿੰਮੇਵਾਰ ਹੁੰਦੇ ਹਨ, ਤਾਂ ਹਰ ਵਾਰ ਇੱਕ ਹੀ ਪੱਖ ਨੂੰ ਆਨੰਦ ਦੀਆਂ ਭਾਵਨਾਵਾਂ ਦਾ ਹੱਕਦਾਰ ਕਿਉਂ ਸਮਝਿਆ ਜਾਂਦਾ ਹੈ। ਸਰੀਰਕ ਸਬੰਧਾਂ ਦੌਰਾਨ ਔਰਤਾਂ ਦੀਆਂ ਭਾਵਨਾਵਾਂ ਨੂੰ ਲੈ ਕੇ ਈਟੀਵੀ ਭਾਰਤ ਸੁਖੀਭਵਾ ਟੀਮ ਨੇ ਮਨੋਵਿਗਿਆਨਕ ਸਲਾਹਕਾਰ ਡਾ. ਪ੍ਰੱਗਿਆ ਰਸ਼ਮੀ ਨਾਲ ਗੱਲਬਾਤ ਕੀਤੀ।
ਸਰੀਰਕ ਸਬੰਧਾਂ ਦੇ ਵਿਸ਼ੇ 'ਤੇ ਸਮਾਜ ਦਾ ਰਵੱਈਆ
ਸਮਾਜ ਵਿੱਚ ਔਰਤਾਂ ਦੀ ਸਥਿਤੀ ਉੱਤੇ ਤੇ ਸਰੀਰਕ ਸਬੰਧਾਂ ਪ੍ਰਤੀ ਉਸ ਦੇ ਰਵੱਈਏ ਨੂੰ ਲੈ ਕੇ ਗੱਲ ਕਰਦਿਆਂ ਡਾ. ਰਸ਼ਮੀ ਨੇ ਦੱਸਿਆ ਕਿ ਹਾਲਾਂਕਿ ਸਮਾਂ ਬਦਲ ਰਿਹਾ ਹੈ ਪਰ ਫਿਰ ਵੀ ਔਰਤਾਂ ਵਿੱਚ ਆਰਗੇਜ਼ਮ ਇੱਕ ਅਜਿਹਾ ਵਿਸ਼ਾ ਹੈ ਜਿਸ ਉੱਤੇ ਬਹੁਤ ਘੱਟ ਔਰਤਾਂ ਖੁੱਲ੍ਹ ਕੇ ਆਪਣੇ ਵਿਚਾਰ ਸਾਂਝਾ ਕਰ ਪਾਉਂਦੀਆਂ ਹਨ।
ਸਬੰਧਾਂ ਦੌਰਾਨ ਸਰੀਰਕ ਉਤੇਜਨਾ ਬਾਰੇ ਗੱਲ ਕਰਨਾ ਤਾਂ ਦੂਰ ਦੀ ਗੱਲ ਹੈ, ਔਰਤਾਂ ਖੁੱਲ੍ਹ ਕੇ ਆਪਣੀਆਂ ਸਰੀਰਕ ਪਰੇਸ਼ਾਨੀਆਂ ਦੇ ਬਾਰੇ ਚਰਚਾ ਵੀ ਨਹੀਂ ਕਰਦੀਆਂ ਹਨ ਜਿਸ ਦਾ ਮੁੱਖ ਕਾਰਨ ਹੈ ਕਿ ਸਦੀਆਂ ਤੋਂ ਸਾਡੇ ਪੁਰਸ਼ ਪ੍ਰਧਾਨ ਸਮਾਜ ਵਿੱਚ ਸੰਭੋਗ ਨੂੰ ਸਿਰਫ਼ ਪੁਰਸ਼ ਦੇ ਅਧਿਕਾਰ ਖੇਤਰ ਵਿੱਚ ਹੀ ਰੱਖਿਆ ਗਿਆ ਹੈ। ਉੱਥੇ ਹੀ ਔਰਤਾਂ ਵਿੱਚ ਸਰੀਰਕ ਸਬੰਧਾਂ ਨੂੰ ਉਸ ਦੀ ਸਮਰੱਥਾ ਨਾਲ ਜੋੜਿਆ ਜਾਂਦਾ ਹੈ।
ਅੰਕੜੇ ਦੱਸਦੇ ਹਨ ਕਿ ਸਾਡੇ ਦੇਸ਼ ਵਿੱਚ ਇੱਕ ਬਹੁਤ ਵੱਡਾ ਫੀਸਦੀ ਉਨ੍ਹਾਂ ਔਰਤਾਂ ਦਾ ਹੈ ਜੋ ਇਹ ਨਹੀਂ ਜਾਣਦੀਆਂ ਕਿ ਜਿਵੇਂ ਪੁਰਸ਼ ਸਬੰਧਾਂ ਦੌਰਾਨ ਚਰਮ ਸੁੱਖ ਪ੍ਰਾਪਤ ਕਰਦੇ ਹਨ, ਉਸੇ ਤਰ੍ਹਾਂ ਔਰਤਾਂ ਵੀ ਉਤੇਜਨਾ ਦੇ ਚਰਮ ਨੂੰ ਪ੍ਰਾਪਤ ਕਰਦੀਆਂ ਹਨ ਜਿਸ ਨੂੰ ਸਧਾਰਣ ਸ਼ਬਦਾਂ ਵਿੱਚ ਆਰਗੇਜ਼ਮ ਕਿਹਾ ਜਾਂਦਾ ਹੈ।
ਮੇਲ ਆਰਗੇਜ਼ਮ ਅਤੇ ਫੀਮੇਲ ਆਰਗੇਜ਼ਮ 'ਚ ਅੰਤਰ
ਡਾ. ਰਸ਼ਮੀ ਨੇ ਦੱਸਿਆ ਕਿ ਸਰੀਰਕ ਸਬੰਧਾਂ ਦੌਰਾਨ ਪੁਰਸ਼ ਇੱਕ ਵਾਰ ਹੀ ਚਰਮ ਉਤੇਜਨਾ ਦੀ ਸਥਿਤੀ ਵਿੱਚ ਪਹੁੰਚਦਾ ਹੈ ਪਰ ਔਰਤਾਂ ਲਈ ਸਰੀਰਕ ਸਬੰਧ ਉਤੇਜਨਾ ਦੇ ਨਾਲ ਭਾਵਨਾਵਾਂ ਵੀ ਜੁੜੀਆਂ ਹੁੰਦੀਆਂ ਹਨ। ਇਹ ਵੀ ਸੱਚ ਹੈ ਕਿ ਆਦਰਸ਼ ਸਰੀਰਕ ਸੰਬੰਧਾਂ ਦੌਰਾਨ ਮਹਿਲਾ ਪੰਜ ਤੋਂ ਜ਼ਿਆਦਾ ਵਾਰ ਆਰਗੇਜ਼ਮ ਪ੍ਰਾਪਤ ਕਰ ਸਕਦੀ ਹੈ। ਇਹ ਆਰਗੇਜ਼ਮ ਉਨ੍ਹਾਂ ਨੇ ਪ੍ਰਜਣਨ ਅੰਗਾਂ ਦੇ ਵੱਖ-ਵੱਖ ਹਿੱਸਿਆਂ ਜਿਵੇਂ ਕਿ ਕਲਿਟਰਿਸ, ਯੋਨੀ ਅਤੇ ਬੱਚੇਦਾਨੀ ਦੇ ਹੇਠਲੇ ਹਿੱਸੇ ਨਾਲ ਜੁੜਿਆ ਹੁੰਦਾ ਹੈ।
ਔਰਤਾਂ ਜਦੋਂ ਸਧਾਰਣ ਸੰਭੋਗ ਦੌਰਾਨ ਆਰਗੇਜ਼ਮ ਜਾਂ ਸੰਤੁਸ਼ਟੀ ਪ੍ਰਾਪਤ ਨਹੀਂ ਕਰ ਪਾਉਂਦੀਆਂ ਤਾਂ ਮਾਸਟਰਬੇਸ਼ਨ ਵੀ ਉਨ੍ਹਾਂ ਲਈ ਚਰਮ ਸੁੱਖ ਤੱਕ ਪਹੁੰਚਣ ਦਾ ਸੰਤੁਸ਼ਟੀ ਵਾਲਾ ਤਰੀਕਾ ਹੁੰਦਾ ਹੈ। ਡਾ. ਰਸ਼ਮੀ ਮੁਤਾਬਕ ਇੱਕ ਆਨੰਦ ਦਾਇਕ ਸਬੰਧ ਔਰਤਾਂ ਦੀ ਮਾਨਸਿਕ ਸਥਿਤੀ ਨੂੰ ਕਾਫੀ ਬੇਹਤਰ ਬਣਾ ਸਕਦਾ ਹੈ। ਤਣਾਅ ਤੋਂ ਮੁਕਤੀ ਮਿਲ ਸਕਦੀ ਹੈ। ਇਹੀ ਨਹੀਂ ਪੀਰੀਅਡਜ਼ ਦੌਰਾਨ ਹੋਣ ਵਾਲੇ ਦਰਦ ਨੂੰ ਵੀ ਕਾਫ਼ੀ ਹੱਦ ਤੱਕ ਕੰਟਰੋਲ ਕਰ ਸਕਦਾ ਹੈ। ਇਸ ਤੋਂ ਇਲਾਵਾ ਔਰਤਾਂ ਦੀ ਹਾਰਮੋਨਲ ਸਥਿਤੀ ਉੱਤੇ ਵੀ ਇੱਕ ਵਧੀਆ ਸਰੀਰਕ ਸਬੰਧ ਦਾ ਪੌਜ਼ੀਟਿਵ ਪ੍ਰਭਾਵ ਪੈਂਦਾ ਹੈ।
ਜ਼ਿਆਦਾ ਜਾਣਕਾਰੀ ਲਈ ਮਨੋਵਿਗਿਆਨਕ ਸਲਾਹਕਾਰ ਡਾ. ਪ੍ਰੱਗਿਆ ਰਸ਼ਮੀ ਨਾਲ ਸੰਪਰਕ ਕਰੋ pragyrashmi@gmail.com
