ਤਰਨਤਾਰਨ: ਵਿਧਾਨ ਸਭਾ ਹਲਕਾ ਖੇਮਕਰਨ ਦੇ ਕਸਬਾ ਭਿੱਖੀਵਿੰਡ ਦੇ ਬਾਗੜੀ ਮੁਹੱਲੇ 'ਚ ਰਹਿਣ ਵਾਲੇ ਪੀੜਤ ਵਿਅਕਤੀ ਗੁਰਪਿੰਦਰ ਸਿੰਘ ਨੇ ਦੱਸਿਆ ਕਿ ਉਹ ਬਿਜਲੀ ਘਰ ਵਿਖੇ ਪ੍ਰਾਈਵੇਟ ਤੌਰ 'ਤੇ ਲਾਈਨਮੈਨ ਦੀ ਨੌਕਰੀ ਕਰਦਾ ਸੀ ਅਤੇ ਬੀਤੀ ਚਾਰ ਮਹੀਨੇ ਪਹਿਲਾਂ ਉਹ ਖੰਭੇ 'ਤੇ ਇੱਕ ਤਾਰ ਠੀਕ ਕਰਨ ਲਈ ਚੜ੍ਹਿਆ ਤਾਂ ਅਚਾਨਕ ਉਹ ਖੰਭੇ ਤੋਂ ਡਿੱਗ ਪਿਆ। ਜਿਸ ਕਾਰਨ ਉਸ ਦੀ ਰੀੜ੍ਹ ਦੀ ਹੱਡੀ ਕਰੈਕ ਹੋ ਗਈ। ਬਿਜਲੀ ਮੁਲਾਜ਼ਮਾਂ ਵੱਲੋਂ ਅਤੇ ਭਿੱਖੀਵਿੰਡ ਚੋਂ ਉਗਰਾਹੀ ਕਰਕੇ ਉਸਦਾ ਇਲਾਜ ਤਾਂ ਕਰਵਾ ਦਿੱਤਾ।
ਪੀੜਤ ਵਿਅਕਤੀ ਨੇ ਦੱਸਿਆ ਕਿ ਡਾਕਟਰਾਂ ਨੇ ਉਸ ਨੂੰ ਬੈੱਡ ਰੈਸਟ ਦੱਸੀ ਉਹ ਕੁਝ ਦਿਨ ਸਹੀ ਰਿਹਾ ਤਾਂ ਇੱਕ ਦਿਨ ਉਸ ਦੇ ਪਰਿਵਾਰ ਨੇ ਉਸ ਨੂੰਹ ਪਾਸਾ ਮੋੜਨ ਲਈ ਕਿਹਾ ਤਾਂ ਜਦ ਉਸ ਨੇ ਪਾਸਾ ਮੋੜਿਆ ਤਾਂ ਦੇਖਿਆ ਕਿ ਉਸ ਦੀ ਪਿੱਠ ਅਤੇ ਲੱਕ ਚੂਕਣਾ ਬੁਰੀ ਤਰ੍ਹਾਂ ਨਾਲ ਗਲ ਚੁੱਕੇ ਸਨ। ਪੀੜਤ ਵਿਅਕਤੀ ਨੇ ਦੱਸਿਆ ਇਲਾਜ ਨਾ ਹੋਣ ਕਾਰਨ ਉਸ ਦਾ ਸਾਰਾ ਹੀ ਸਰੀਰ ਬੁਰੀ ਤਰ੍ਹਾਂ ਨਾਲ ਗਲਦਾ ਜਾ ਰਿਹਾ ਹੈ। ਉਸ ਨੇ ਦੱਸਿਆ ਕਿ ਉਸ ਨੇ ਕਈ ਵਾਰ ਸਰਕਾਰ ਦੇ ਕਈ ਨੁਮਾਇੰਦਿਆਂ ਨੂੰ ਉਸ ਇਲਾਜ ਕਰਵਾਉਣ ਲਈ ਕਿਹਾ ਪਰ ਕਿਸੇ ਨੇ ਵੀ ਉਸ ਦੀ ਸਾਰ ਨਹੀਂ ਲਈ।
ਪੀੜਤ ਵਿਅਕਤੀ ਦੀ ਪਤਨੀ ਕੰਵਲਜੀਤ ਕੌਰ ਨੇ ਦੱਸਿਆ ਕਿ ਉਸਦੇ ਪਤੀ ਦੇ ਇਸ ਤਰ੍ਹਾਂ ਮੰਜੇ 'ਤੇ ਪੈ ਜਾਣ ਕਾਰਨ ਜਿੱਥੇ ਉਨ੍ਹਾਂ ਦੇ ਬੱਚਿਆਂ ਦੀ ਪੜ੍ਹਾਈ ਵੀ ਛੁੱਟ ਚੁੱਕੀ ਹੈ। ਉੱਥੇ ਹੀ ਘਰ 'ਚ ਦੋ ਵਕਤ ਦੀ ਰੋਟੀ ਤੋਂ ਵੀ ਉਹ ਆਤਰ ਹੋ ਬੈਠੇ ਹਨ।
ਪੀੜਤ ਦੀ ਪਤਨੀ ਨੇ ਕਿਹਾ ਕਿ ਅਸੀਂ ਹੋਰ ਕੁਝ ਵੀ ਨਹੀਂ ਚਾਹੁੰਦੇ ਅਸੀਂ ਤਾਂ ਇਹੋ ਚਾਹੁੰਦੇ ਹਾਂ ਕਿ ਕੋਈ ਰੱਬ ਦਾ ਫਰਿਸ਼ਤਾ ਉਸ ਦੇ ਪਤੀ ਦਾ ਇਲਾਜ ਕਰਵਾ ਦੇਵੇ ਉੱਧਰ ਪੀੜਤ ਵਿਅਕਤੀ ਦੇ ਛੋਟੇ ਲੜਕੇ ਜਰਮਨ ਬੀਰ ਸਿੰਘ ਨੇ ਦੱਸਿਆ ਕਿ ਉਸ ਦੇ ਪਿਤਾ ਦੇ ਇਹ ਸੱਟ ਲੱਗ ਜਾਣ ਕਾਰਨ ਉਹ ਸਕੂਲ ਨਹੀਂ ਗਏ।ਕਿਉਂਕਿ ਘਰ ਵਿੱਚ ਨਾ ਤਾਂ ਕੋਈ ਰੋਟੀ ਖਾਣ ਨੂੰ ਰਾਸ਼ਣ ਹੈ ਅਤੇ ਨਾ ਹੀ ਪੈਸਾ ਹੈ।
ਛੋਟੇ ਬੱਚੇ ਜਰਮਨ ਬੀਰ ਸਿੰਘ ਨੇ ਕਿਹਾ ਕਿ ਉਸ ਦਾ ਪਿਤਾ ਜਦੋਂ ਠੀਕ ਹੋ ਜਾਵੇਗਾ ਉਹ ਆਪਣੇ ਆਪ ਸਕੂਲ ਚਲੇ ਜਾਣਗੇ ਪੀੜਤ ਦੀ ਵਿਅਕਤੀ ਦੀ ਪਤਨੀ ਅਤੇ ਛੋਟੇ ਬੱਚੇ ਨੇ ਸਮਾਜ ਸੇਵੀਆਂ ਤੋ ਮੰਗ ਕੀਤੀ ਹੈ। ਕਿ ਉਨ੍ਹਾਂ ਦੇ ਪਰਿਵਾਰ ਦੇ ਮੁਖੀਆ ਦਾ ਇਲਾਜ ਕਰਵਾ ਦਿੱਤਾ ਜਾਵੇ।
ਉਹ ਦੋ ਵਕਤ ਦੀ ਰੋਟੀ ਖਾ ਸਕਣ ਅਤੇ ਆਪਣੇ ਬੱਚਿਆਂ ਨੂੰ ਸਕੂਲ ਭੇਜ ਸਕਣ ਤਾਂ ਜੋ ਉਹ ਆਪਣਾ ਅਗਲਾ ਜੀਵਨ ਚੰਗੀ ਤਰ੍ਹਾਂ ਬਤੀਤ ਕਰ ਸਕਣ। ਜੇ ਕੋਈ ਸਮਾਜ ਸੇਵੀ ਇਸ ਪਰਿਵਾਰ ਦੀ ਮਦਦ ਕਰਨਾ ਚਾਹੁੰਦਾ ਹੈ ਤਾਂ ਇਨ੍ਹਾਂ ਦਾ ਮੋਬਾਇਲ ਨੰਬਰ ਵੀਡੀਓ 'ਚ ਵੀ ਬੋਲ ਕੇ ਦੱਸਿਆ ਗਿਆ ਹੈ ਇਸ ਨੰਬਰ 8528870608 ਜਿਸ 'ਤੇ ਸੰਪਰਕ ਕਰਕੇ ਤੁਸੀਂ ਪੀੜਤ ਪਰਿਵਾਰ ਮਦਦ ਕਰ ਸਕਦੇ ਹੋ।
ਇਹ ਵੀ ਪੜ੍ਹੋ:- ਕਾਰ ਚਾਲਕ ਨੇ ਕਾਰ ਨੂੰ ਨਹਿਰ ’ਚ ਸੁੱਟ ਕੀਤੀ ਖੁਦਕੁਸ਼ੀ
