ਮਾਲੇਰਕੋਟਲਾ:ਸ਼ਹਿਰ ਦੇ ਵਿੱਚ ਕਈ ਪੈਟਰੋਲ ਪੰਪ ਅਤੇ ਡੀਜ਼ਲ ਪੰਪ ਨੇ ਜੋ ਕਿ ਭਾਰਤ ਪੈਟਰੋਲੀਅਮ ਤੋਂ ਲੈ ਕੇ ਇੰਡੀਅਨ ਆਇਲ ਕੰਪਨੀ ਦੇ ਹਨ। ਇਸ ਨੂੰ ਲੈ ਕੇ ਈਟੀਵੀ ਭਾਰਤ ਵੱਲੋਂ ਮਾਲੇਰਕੋਟਲਾ ਸ਼ਹਿਰ ਦੇ ਅੰਦਰੂਨੀ ਇਲਾਕੇ ਦੇ ਵਿੱਚ ਬਣ ਰਹੇ ਇਕ ਪੈਟਰੋਲ ਪੰਪ ਦਾ ਸੂਰਤ-ਏ-ਹਾਲ ਜਾਨਣ ਦੀ ਕੋਸ਼ਿਸ਼ ਕੀਤੀ।
ਸ਼ਹਿਰ ਦੇ ਪੈਟਰੋਲ ਪੰਪਾਂ ਦਾ ਕੀਤਾ ਨਿਰੀਖਣ
ਇਸ ਨਿਰੀਖਣ ਦੌਰਾਨ ਵੇਖਿਆ ਕਿ ਧਰਤੀ ਹੇਠ ਪੈਟਰੋਲ ਦੇ ਵੱਡੇ ਵੱਡੇ ਡਰੰਮ ਦਬਾਏ ਜਾ ਰਹੇ ਹਨ ਤੇ ਨਿਰਮਾਣ ਦਾ ਕਾਰਜ ਚੱਲ ਰਿਹਾ ਹੈ।ਇਸ ਨੂੰ ਲੈ ਕੇ ਸੱਟਾ ਚੌਕ ਦੇ ਵਿੱਚ ਜਾ ਕੇ ਵੇਖਿਆ ਕਿ ਪੈਟਰੋਲ ਪੰਪ ਨਵਾਂ ਜੋ ਕਿ ਲਗਾਇਆ ਜਾ ਰਿਹਾ ਹੈ ਜਿਸ ਦਾ ਨਿਰਮਾਣ ਕਾਰਜ ਚੱਲ ਰਿਹਾ ਹੈ ਅਤੇ ਲੁਧਿਆਣਾ ਪਟਿਆਲਾ ਮੁੱਖ ਮਾਰਗ ਤੇ ਇੰਡੀਅਨ ਆਇਲ ਦਾ ਪੈਟਰੋਲ ਪੰਪ ਜਿਥੇ ਵੇਖਿਆ ਜਾ ਕੇ ਕਿ ਇੱਥੇ ਪੈਟਰੋਲ ਪੰਪ ਉੱਪਰ ਹਰ ਤਰ੍ਹਾਂ ਦੇ ਪ੍ਰਬੰਧ ਮੁਕੰਮਲ ਸਨ ਜਿਨ੍ਹਾਂ ਵਿੱਚ ਪੀਣ ਵਾਲੇ ਠੰਢੇ ਪਾਣੀ ਤੋਂ ਲੈ ਕੇ ਬਾਥਰੂਮਾਂ ਅਤੇ ਅੱਗ ਬੁਝਾਉਣ ਵਾਲੇ ਯੰਤਰ ਠੀਕ ਠਾਕ ਕੰਮ ਕਰ ਰਹੇ ਸਨ।
ਪੈਟਰੋਲ ਪੰਪ ਤੇ ਪ੍ਰਬੰਧ ਦਿਖਾਈ ਦਿੱਤੇ ਮੁਕੰਮਲ
ਉੱਧਰ ਇਸ ਮੌਕੇ ਪੈਟਰੋਲ ਪੁਆਉਣ ਆਏ ਗਾਹਕਾਂ ਨਾਲ ਵੀ ਇਸ ਮੌਕੇ ਜਦੋਂ ਈਟੀਵੀ ਭਾਰਤ ਨੇ ਗੱਲਬਾਤ ਕੀਤੀ ਤਾਂ ਉਨ੍ਹਾਂ ਆਪਣੀ ਸੰਤੁਸ਼ਟੀ ਪ੍ਰਗਟਾਈ ਤੇ ਕਿਹਾ ਕਿ ਬਹੁਤ ਸਾਰੇ ਪੈਟਰੋਲ ਪੰਪ ਨੇ ਜਿੱਥੇ ਨਿਯਮਾਂ ਦੀ ਉਲੰਘਣਾ ਕੀਤੀ ਜਾਂਦੀ ਹੈ ਪਰ ਇਹ ਪੈਟਰੋਲ ਪੰਪ ਜੋ ਇੰਡੀਅਨ ਆਇਲ ਕੰਪਨੀ ਦਾ ਪੈਟਰੋਲ ਪੰਪ ਜਿੱਥੇ ਸਾਰੇ ਹੀ ਪ੍ਰਬੰਧ ਮੁਕੰਮਲ ਕੀਤੇ ਹੋਏ ਹਨ।
ਜੇਕਰ ਗੱਲ ਕਰੀਏ ਪੈਟਰੋਲ ਤੇ ਡੀਜ਼ਲ ਦੇ ਟੈਂਕਾਂ ਦੀ ਤਾਂ ਉਹ ਜ਼ਮੀਨ ਦੇ ਵਿੱਚ ਦੱਬੇ ਹੋਏ ਨੇ ਤੇ ਸੁਰੱਖਿਅਤ ਹਨ।ਉੱਧਰ ਪਟਰੋਲ ਪੰਪ ਤੇ ਕੰਮ ਕਰ ਰਹੇ ਕਰਿੰਦੇ ਨੇ ਵੀ ਦੱਸਿਆ ਕਿ ਇੱਥੇ ਹਰ ਤਰ੍ਹਾਂ ਦੇ ਪ੍ਰਬੰਧ ਮੁਕੰਮਲ ਹਨ ਤੇ ਜਿਨ੍ਹਾਂ ਦੀ ਜਾਂਚ ਹਮੇਸ਼ਾ ਉਨ੍ਹਾਂ ਦੇ ਮਾਲਕਾਂ ਵੱਲੋਂ ਕੀਤੀ ਜਾਂਦੀ ਹੈ।
