ਭਗਵੰਤ ਮਾਨ ਨੇ ਸੰਗਰੂਰ ਤੋਂ ਭਰੇ ਨਾਮਜ਼ਦਗੀ ਪੱਤਰ

ਭਗਵੰਤ ਮਾਨ ਨੇ ਭਰੇ ਨਾਮਜ਼ਦਗੀ ਕਾਗਜ। ਉਨ੍ਹਾਂ ਨਾਲ ਹਰਪਾਲ ਚੀਮਾ, ਅਮਨ ਅਰੋੜਾ, ਮੀਤ ਹੇਅਰ ਵੀ ਰਹੇ ਮੌਜੂਦ।

ਸੰਗਰੂਰ: ਆਮ ਆਦਮੀ ਪਾਰਟੀ ਦੇ ਸੰਗਰੂਰ ਤੋਂ ਉਮੀਦਵਾਰ ਭਗਵੰਤ ਮਾਨ ਨੇ ਆਪਣੀ ਮਾਤਾ ਨਾਲ ਜਾ ਕੇ ਨਾਮਜ਼ਦਗੀ ਪੱਤਰ ਦਾਖ਼ਲ ਕੀਤੇ। ਇਸ ਮੌਕੇ ਭਗਵੰਤ ਮਾਨ ਇਹ ਵੀ ਦਾਅਵਾ ਕੀਤਾ ਕਿ ਉਹ ਇਸ ਵਾਰ ਵੀ ਪਹਿਲੀ ਵਾਰ ਦੀ ਤਰ੍ਹਾਂ ਵੱਡੇ ਫ਼ੈਸਲੇ 'ਤੇ ਜਿੱਤ ਹਾਸਲ ਕਰਨਗੇ।
ਉਨ੍ਹਾਂ ਨੇ ਆਪਣੀ ਸੰਪਤੀ ਨੂੰ ਲੈ ਕੇ ਕਿਹਾ ਕਿ ਉਨ੍ਹਾਂ ਦੀ ਸੰਪਤੀ ਹਰ ਸਾਲ ਘੱਟੀ ਹੀ ਹੈ ਵਧੀ ਨਹੀਂ। ਉਨ੍ਹਾਂ ਕਿਹਾ ਕਿ ਜੋ ਉਨ੍ਹਾਂ ਦੀ ਜਮੀਨ ਇਕ ਜਗ੍ਹਾ ਵਧੀ ਹੈ। ਉਹ ਉਸ ਦੇ ਪਿਤਾ ਦੀ ਜਮੀਨ ਮੇਰੇ ਨਾਮ ਹੋਈ ਸੀ। ਸੰਪਤੀ ਨੂੰ ਲੈ ਕੇ ਉਨ੍ਹਾਂ 'ਤੇ ਬਿਲਕੁਲ ਝੂਠੇ ਦੋਸ਼ ਲਗਾਏ ਜਾ ਰਹੇ ਸਨ।

ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਕੇਵਲ ਢਿੱਲੋਂ ਹਾਰਨ ਤੋਂ ਬਾਅਦ ਵੀ 40 ਕਰੋੜ ਤੋਂ ਜਿਆਦਾ ਦੀ ਸੰਪਤੀ ਬਣਾ ਗਿਆ ਹੈ। ਨਾਜਰ ਸਿੰਘ ਦਾ ਆਮ ਆਦਮੀ ਤੋਂ ਕਾਂਗਰਸ ਵਿੱਚ ਸ਼ਾਮਲ ਹੋਣ 'ਤੇ ਉਨ੍ਹਾਂ ਕਿਹਾ ਕਿ ਸੁਖਪਾਲ ਖਹਿਰਾ ਨੂੰ ਪਾਰਟੀ ਨੇ ਪਹਿਲਾ ਇਸੇ ਕਰਕੇ ਕੱਢਿਆ ਕਿਉਂਕਿ ਉਹ ਪਾਰਟੀ ਨੂੰ ਖਰਾਬ ਕਰ ਰਿਹਾ ਸੀ ਅਤੇ ਨਾਜਰ ਸਿੰਘ ਸੁਖਪਾਲ ਖਹਿਰਾ ਦੇ ਹੀ ਅਜੀਜ ਸਨ।