ਮੋਹਾਲੀ: ਜ਼ਿਲ੍ਹੇ ਚੋਂ ਕੋਰੋਨਾ ਮਹਾਂਮਾਰੀ ਦੇ ਚੱਲਦੇ ਲਗਾਤਾਰ ਮਾਮਲੇ ਸਾਹਮਣੇ ਆ ਰਹੇ ਹਨ। ਪਿਛਲੇ ਦਿਨੀਂ ਪਿੰਡ ਬਲੱਗੀ ਨੂੰ ਕੰਟੇਨਮੇਂਟ ਜ਼ੋਨ ਐਲਾਨ ਦਿੱਤਾ ਗਿਆ ਹੈ ਉੱਥੇ ਹੀ ਪਿੰਡ ਸੋਹਾਣਾ ਜਿਸ ਦੀ ਆਬਾਦੀ ਪੱਚੀ ਹਜ਼ਾਰ ਦੇ ਕਰੀਬ ਹਨ ਉੱਥੇ ਵੀ ਕੋਰੋਨਾ ਨਾਲ 14-15 ਮੌਤਾ ਹੋ ਚੁੱਕੀਆ ਹਨ। ਪਰ ਖੁਸੀ ਦੀ ਗੱਲ ਇਹ ਹੈਕਿ ਮੋਹਾਲੀ ਜ਼ਿਲ੍ਹੇ ਦੇ ਅਧੀਨ ਪੈਂਦੇ ਪਿੰਡ ਕੰਬਾਲੀ ’ਚ ਜਿੱਥੇ ਦਸ ਹਜ਼ਾਰ ਦੇ ਕਰੀਬ ਦੀ ਆਬਾਦੀ ਹੈ ਇੱਥੇ ਕੋਰੋਨਾ ਨਾਲ ਇੱਕ ਵੀ ਮੌਤ ਨਹੀਂ ਹੋਈ ਹੈ ਅਤੇ ਨਾ ਹੀ ਕੋਈ ਕੋਰੋਨਾ ਮਰੀਜ਼ ਪਾਇਆ ਗਿਆ ਹੈ।
ਪਿੰਡ ਦੀ ਵੋਟਰ ਆਬਾਦੀ 750 ਦੇ ਕਰੀਬ
ਇਸ ਸਬੰਧ ’ਚ ਪਿੰਡ ਦੇ ਸਰੰਪਚ ਬੂਟਾ ਸਿੰਘ ਨੇ ਦੱਸਿਆ ਕਿ ਪਿੰਡ ਦੀ ਵੋਟਰ ਆਬਾਦੀ 750 ਦੇ ਕਰੀਬ ਹੈ ਅਤੇ ਪੂਰੇ ਪਿੰਡ ਦੀ ਆਬਾਦੀ ਦਸ ਹਜ਼ਾਰ ਦੇ ਉੱਤੇ ਹੈ ਪਰ ਇੱਥੇ ਕੋਰੋਨਾ ਨੂੰ ਲੈ ਕੇ ਕੋਈ ਖਤਰਾ ਨਹੀਂ ਹੈ। ਪਿੰਡ ’ਚ ਕੋਰੋਨਾ ਕਾਰਨ ਇੱਕ ਵੀ ਵਿਅਕਤੀ ਦੀ ਮੌਤ ਨਹੀਂ ਹੋਈ ਹੈ ਅਤੇ ਨਾ ਹੀ ਕੋਈ ਕੋਰੋਨਾ ਮਰੀਜ਼ ਸਾਹਮਣੇ ਆਇਆ ਹੈ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਦੱਸਿਆ ਕਿ ਪਿੰਡ ਚ ਅਜੇ ਤੱਕ ਇਕ ਹੀ ਕੈਂਪ ਲੱਗਿਆ ਹੈ ਜਿਸ ਚ ਲਗਭਗ 40 ਬੰਦਿਆ ਨੂੰ ਹੀ ਕੋਵਿਡ ਵੈਕਸੀਨੇਸ਼ਨ ਹੋ ਪਾਈ ਹੈ।
ਪਿੰਡ ਵਿੱਚ ਸਾਫ਼ ਸਫ਼ਾਈ ਦਾ ਪੂਰਾ ਖਿਆਲ
ਦੂਜੇ ਪਾਸੇ ਪਿੰਡ ਕੰਬਾਲੀ ਦੇ ਰਹਿਣ ਵਾਲੇ ਸਤਪਾਲ ਸ਼ਰਮਾ ਦਾ ਕਹਿਣਾ ਹੈ ਪਿੰਡ ਵਿੱਚ ਸਾਫ਼ ਸਫ਼ਾਈ ਦਾ ਪੂਰਾ ਖਿਆਲ ਰੱਖਿਆ ਜਾ ਰਿਹਾ ਹੈ। ਜਿਸ ਕਾਰਨ ਪਿੰਡ ਵਿੱਚ ਕੋਰੋਨਾ ਦਾ ਕੋਈ ਵੀ ਮਰੀਜ਼ ਅਜੇ ਤੱਕ ਸਾਹਮਣੇ ਨਹੀਂ ਆਇਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਸ਼ਹਿਰ ਦੇ ਨਾਲ ਹੋਣ ਕਰ ਕੇ ਲੋਕ ਕੋਰੋਨਾ ਦੇ ਵੈਕਸੀਨ ਲਗਾਉਣ ਵਿੱਚ ਵੀ ਦਿਲਚਸਪੀ ਦਿਖਾ ਰਹੇ ਹਨ।
ਇਹ ਵੀ ਪੜੋ: ਜੈਨੇਟਿਕ ਮਉਟੇਸ਼ਨ ਤੋਂ ਹੋਰ ਘਾਤਕ ਹੋਇਆ ਵਾਇਰਸ, ਸੀਵੀਅਰ ਕੋਵਿਡ ਨਮੂਨੀਆ ਨੇ ਨੌਜਵਾਨਾਂ ਨੂੰ ਬਣਾਇਆ ਸ਼ਿਕਾਰ
