ਪਟਿਆਲਾ: ਪੰਜਾਬ ਸਰਕਾਰ ਵੱਲੋ ਖੇਡਾਂ ਵਿੱਚ ਵਿਕਾਸ ਕਰਨ ਲਈ ਲੱਖਾਂ ਰੁਪਏ ਲਗਾਉਣ ਦੇ ਦਾਅਵੇ ਕੀਤੇ ਜਾ ਰਹੇ ਹਨ ਪਰ ਜਮੀਨੀ ਪੱਧਰ 'ਤੇ ਇਹ ਦਾਅਵੇ ਬਿਲਕੁੱਲ ਖੋਖਲੇ ਵਿਖਾਈ ਦੇ ਰਹੇ ਹਨ। ਇਸ ਦੀ ਤਾਜਾ ਮਿਸਾਲ ਹੈ ਨਾਭਾ ਵਿਖੇ ਬਣੇ ਇੱਕੋ-ਇੱਕ ਸਰਕਾਰੀ ਰਿਪੁਦਮਨ ਕਾਲਜ ਦਾ ਗਰਾਊਂਡ, ਜਿੱਥੇ ਪਿੱਛਲੇ 15 ਦਿਨਾਂ ਤੋਂ ਮੀਂਹ ਦਾ ਪਾਣੀ ਖੜਾ ਹੈ ਅਤੇ ਬੀਮਾਰੀਆ ਨੂੰ ਸੱਦਾ ਦੇ ਰਿਹਾ ਹੈ।
ਸ਼ਹਿਰ ਵਾਸੀਆਂ ਅਤੇ ਖ਼ਿਡਾਰੀਆ ਨੇ ਪ੍ਰਸ਼ਾਸਨ ਨੂੰ ਚੇਤਾਵਨੀ ਦਿੱਤੀ ਹੈ ਕਿ ਜੇਕਰ ਪ੍ਰਸ਼ਾਸਨ ਨੇ ਗਰਾਊਂਡ ਵਿਚ ਖੜੇ ਪਾਣੀ ਨੂੰ ਕੱਢਣ ਲਈ ਕੋਈ ਉਪਰਾਲਾ ਨਾ ਕੀਤਾ ਤਾਂ ਵੱਡਾ ਸਘੰਰਸ਼ ਕਰਨ ਲਈ ਮਜਬੂਰ ਹੋ ਜਾਣਗੇ।
ਖੁਦ ਤੰਦਰੁਸਤ ਨਹੀਂ ਹੈ ਨਾਭਾ ਦੇ ਸਰਕਾਰੀ ਕਾਲਜ ਦਾ ਗਰਾਊਂਡ, ਵੇਖੋ ਵੀਡੀਓ ਨਾਭਾ ਦੇ ਸਰਕਾਰੀ ਰਿਪੁਦਮਨ ਗਰਾਊਂਡ ਵਿੱਚ ਮੀਂਹ ਦਾ ਪਾਣੀ ਪਿੱਛਲੇ 15 ਦਿਨਾ ਤੋਂ ਖੜਾ ਹੈ ਅਤੇ ਇਸ ਪਾਣੀ ਦੇ ਖੜ੍ਹੇ ਹੋਣ ਕਾਰਨ ਹਰ ਕੋਈ ਪਰੇਸ਼ਾਨ ਹੈ। ਨਾਭਾ ਸ਼ਹਿਰ ਦਾ ਇਕੋ ਇੱਕ ਗਰਾਊਂਡ ਵਿੱਚ ਲੋਕ ਅਪਣੀ ਸਿਹਤ ਨੂੰ ਤੰਦਰੁਸਤ ਰੱਖਣ ਲਈ ਆਉਂਦੇ ਹਨ, ਇਹ ਗਰਾਊਂਡ ਖੁਦ ਅਨਫ਼ਿਟ ਲੱਗ ਰਿਹਾ ਹੈ, ਕਿਉਂਕਿ ਇਹ ਗਰਾਊਂਡ ਛੱਪੜ ਦਾ ਰੂਪ ਧਾਰ ਚੁੱਕਾ ਹੈ।ਇਸ ਮੌਕੇ ਸ਼ਹਿਰ ਵਾਸੀ ਯੋਗੇਸ਼ ਖੱਤਰੀ ਅਤੇ ਨਵਦੀਪ ਬਾਵਾ ਨੇ ਕਿਹਾ ਕਿ ਸਰਕਾਰ ਅਤੇ ਪ੍ਰਸ਼ਾਸਨ ਦਾ ਗਰਾਊਂਡ ਵੱਲ ਕੋਈ ਧਿਆਨ ਨਹੀ ਹੈ। ਇਸ ਕਾਰਨ ਖ਼ਿਡਾਰੀਆ ਅਤੇ ਆਮ ਲੋਕਾ ਨੂੰ ਹੋਰ ਕੋਈ ਗਰਾਊਂਡ ਨਾ ਹੋਣ ਕਾਰਨ ਬਹੁਤ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।ਇਸ ਮੌਕੇ ਖ਼ਿਡਾਰੀ ਪ੍ਰਦੀਪ ਬਾਗਾ ਅਤੇ ਖ਼ਿਡਾਰੀ ਗੁਰਦੀਪ ਸਿੰਘ ਨੇ ਦੱਸਿਆ ਕਿ ਉਹ ਗਰਾਊਂਡ ਵਿਚ ਖੇਡਣ ਲਈ ਆਉਂਦੇ ਸੀ ਪਰ ਗਰਾਊਂਡ ਵਿਚ ਪਾਣੀ ਖੜਣ ਨਾਲ ਖੇਡਾਂ ਦੇ ਅਭਿਆਸ ਦਾ ਨੁਕਸਾਨ ਹੋ ਰਿਹਾ ਹੈ। ਸ਼ਹਿਰ ਵਿਚ ਇੱਕ ਹੀ ਗਰਾਊਂਡ ਹੈ ਅਤੇ ਉਸ ਵਿੱਚ ਵੀ ਕਾਫ਼ੀ ਸੱਮਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
