ਲੁਧਿਆਣਾ: ਛੱਠ ਪੂਜਾ ਕਾਰਨ ਰੇਲਾਂ ਨਾ ਚੱਲਣ ਕਰਕੇ ਜ਼ਿਲ੍ਹੇ ਵਿੱਚ ਪ੍ਰਵਾਸੀ ਵੱਡੀ ਸਮੱਸਿਆ ਦਾ ਸਾਹਮਣਾ ਕਰ ਰਹੇ ਹਨ। ਜ਼ਿਲ੍ਹੇ ਵਿੱਚ ਲੱਖਾਂ ਦੀ ਤਦਾਦ ਵਿੱਚ ਲੇਬਰ ਰਹਿੰਦੀ ਹੈ ਅਤੇ ਦੀਵਾਲੀ ਤੋਂ ਬਾਅਦ ਛੱਠ ਪੂਜਾ ਲਈ ਉਹ ਆਪੋ ਆਪਣੇ ਸੂਬਿਆਂ ਦੇ ਵਿੱਚ ਜਾਂਦੇ ਹਨ। ਮਾਲ ਗੱਡੀਆਂ ਦੇ ਨਾਲ ਪੰਜਾਬ ਆਉਣ ਵਾਲੀਆਂ ਪੈਸੇਂਜਰ ਗੱਡੀਆਂ ਵੀ ਬੰਦ ਹਨ ਜਿਸ ਕਾਰਨ ਲੁਧਿਆਣਾ ਤੋਂ ਉਤਰ ਪ੍ਰਦੇਸ਼ ਜਾਂ ਫ਼ਿਰ ਬਿਹਾਰ ਜਾਣ ਵਾਲੇ ਪ੍ਰਵਾਸੀਆਂਂ ਨੂੰ ਦਿੱਕਤਾਂ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਬੱਸ ਸਟੈਂਡ ਵਿਖੇ ਵੀ ਸਿਰਫ਼ ਨਿੱਜੀ ਬੱਸਾਂ ਹੀ ਦੁੱਗਣੇ ਚੌਗਣੇ ਕਿਰਾਏ ਲੈ ਕੇ ਉਨ੍ਹਾਂ ਨੂੰ ਯੂਪੀ ਬਿਹਾਰ ਲਿਜਾ ਰਹੀਆਂ ਹਨ। ਲੇਬਰ ਨੇ ਕਿਹਾ ਕਿ ਜੇਕਰ ਟਰੇਨਾਂ ਨਾ ਚੱਲੀਆਂ ਤਾਂ ਉਨ੍ਹਾਂ ਲਈ ਵੱਡਾ ਨੁਕਸਾਨ ਹੋਵੇਗਾ ਉਨ੍ਹਾਂ ਨੂੰ ਮਹਿੰਗੇ ਕਿਰਾਏ ਦੇ ਕੇ ਜਾਣਾ ਪੈ ਰਿਹਾ ਹੈ। ਉਨ੍ਹਾਂ ਨੇ ਸਰਕਾਰ ਤੋਂ ਜਲਦ ਟਰੇਨਾਂ ਚਲਾਉਣ ਦੀ ਅਪੀਲ ਕੀਤੀ ਹੈ।
ਰੇਲਾਂ ਨਾ ਚੱਲਣ ਕਾਰਨ ਛੱਠ ਪੂਜਾ ਲਈ ਪ੍ਰਵਾਸੀ ਨਹੀਂ ਜਾ ਪਾ ਰਹੇ ਆਪਣੇ ਸੂਬੇ
