ਫ਼ਰੀਦਕੋਟ: ਪੰਜਾਬੀ ਫ਼ਿਲਮ 'ਮੁੰਡਾ ਫ਼ਰੀਦਕੋਟੀਆ' ਦੀ ਸਟਾਰ ਕਾਸਟ ਰੋਸ਼ਨ ਪ੍ਰਿੰਸ, ਸ਼ਰਨ ਕੌਰ ਤੇ ਪੂਰੀ ਟੀਮ ਫ਼ਰੀਦਕੋਟ ਪਹੁੰਚੀ। ਜਿੱਥੇ ਉਨ੍ਹਾਂ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ ਇਸ ਫ਼ਿਲਮ ਦੀ ਕਹਾਣੀ ਭਾਰਤ ਤੇ ਪਾਕਿਸਤਾਨ ਦੇ ਫ਼ਰੀਦਕੋਟ ਸ਼ਹਿਰਾਂ ਉੱਤੇ ਆਧਾਰਿਤ ਹੈ। ਦੇਸ਼ ਦੀ ਸਰਹੱਦਾਂ ਤੋਂ ਪਰੇ ਹੋ ਕੇ ਪਿਆਰ ਦੇ ਪਰਵਾਨ ਚੜ੍ਹਨ ਦੀ ਕਹਾਣੀ ਨੂੰ ਸਾਰੇ ਦਰਸ਼ਕ ਵੇਖਣ ਲਈ 14 ਜੂਨ ਨੂੰ ਉਡੀਕ ਕਰ ਰਹੇ ਹਨ ।
ਵੇਖੋ ਵੀਡੀਓ
ਉਨ੍ਹਾਂ ਕਿਹਾ ਕਿ ਇਸ ਫ਼ਿਲਮ ਵਿੱਚ ਦੋ ਦੇਸ਼ਾਂ ਦੇ ਸੱਭਿਆਚਾਰ ਦੀ ਖੱਟੀ-ਮਿੱਠੀ ਨੋਕ-ਝੋਂਕ ਵੇਖਣ ਨੂੰ ਮਿਲੇਗੀ ਜੋ ਯਕੀਨਨ ਦਰਸ਼ਕਾਂ ਨੂੰ ਪਸੰਦ ਆਵੇਗੀ । ਰੋਸ਼ਨ ਪ੍ਰਿੰਸ ਫ਼ਿਲਮ ਵਿੱਚ ਮੁੱਖ ਭੂਮਿਕਾ ਨਿਭਾ ਰਹੇ ਹਨ। ਰੋਸ਼ਨ ਪ੍ਰਿੰਸ ਨਾਲ ਸਾਥੀ ਅਦਾਕਾਰਾ ਸ਼ਰਨ ਕੌਰ ਪਹਿਲੀ ਵਾਰ ਪਾਲੀਵੁੱਡ ਵਿੱਚ ਕੰਮ ਕਰ ਰਹੀ ਹੈ।
ਫ਼ਰੀਦਕੋਟ ਪਹੁੰਚੀ ਸਾਰੀ ਟੀਮ
ਪ੍ਰੋਡਿਊਸਰ ਦਲਜੀਤ ਸਿੰਘ ਥਿੰਦ ਅਤੇ ਡਾਇਰੈਕਟਰ ਮਨਦੀਪ ਚਹਿਲ ਨੇ, ਜਿੱਥੇ ਫ਼ਿਲਮ ਬਾਰੇ ਜਾਣਕਾਰੀ ਸਾਂਝੀ ਕੀਤੀ, ਉੱਥੇ ਹੀ 14 ਜੂਨ ਨੂੰ ਫ਼ਿਲਮ ਵੇਖਣ ਲਈ ਜਨਤਾ ਨੂੰ ਅਪੀਲ ਕੀਤੀ । ਫ਼ਿਲਮ ਦੇ ਨਿਰਦੇਸ਼ਕ ਦਲਜੀਤ ਥਿੰਦ ਨੇ ਖੁਸ਼ੀ ਜ਼ਾਹਰ ਕਰਦੇ ਹੋਏ ਦੱਸਿਆ ਕੇ ਪੰਜਾਬੀ ਫ਼ਿਲਮ ਜਗਤ ਦਾ ਮੁਕਾਮ ਕਾਫ਼ੀ ਉੱਚਾ ਹੋ ਗਿਆ ਹੈ ਅਤੇ ਜਿਥੇ ਇੱਕ ਪਾਸੇ ਪੰਜਾਬੀ ਫ਼ਿਲਮ ਇੰਡਸਟਰੀ ਤਰੱਕੀ ਕਰ ਰਹੀ ਹੈ ਉੱਥੇ ਇਸ ਰਾਹੀਂ ਹਜ਼ਾਰਾਂ ਲੋਕਾਂ ਨੂੰ ਰੁਜ਼ਗਾਰ ਮਿਲ ਰਿਹਾ ਹੈ ਅਤੇ ਲੋਕ ਅੱਜ ਹਿੰਦੀ ਫ਼ਿਲਮਾਂ ਦੇ ਮੁਕਾਬਲੇ ਪੰਜਾਬੀ ਫ਼ਿਲਮਾਂ ਵੇਖਣ ਨੂੰ ਤਰਜੀਹ ਦੇ ਰਹੇ ਹਨ।
