ਚੰਡੀਗੜ੍ਹ: ਅੰਤਰਰਾਸ਼ਟਰੀ ਹਵਾਈ ਅੱਡਾ ਚੰਡੀਗੜ੍ਹ ਤੋਂ ਸਲਾਟ ਮਿਲਣ ਦੇ ਬਾਵਜੂਦ ਘਰੇਲੂ ਉਡਾਣਾਂ ਸ਼ੁਰੂ ਨਾ ਕਰਨ ਲਈ ਅਥਾਰਟੀ ਨੇ ਸਾਰੀਆਂ ਏਅਰਲਾਈਨਾਂ ਨੂੰ ਨੋਟਿਸ ਭੇਜਿਆ ਹੈ। ਇਸ ਨੋਟਿਸ ਰਾਹੀਂ ਕੰਪਨੀਆਂ ਤੋਂ ਪੁੱਛਿਆ ਗਿਆ ਹੈ ਕਿ 26 ਅਕਤੂਬਰ ਨੂੰ ਜਾਰੀ ਸਰਦੀਆਂ ਦੇ ਸ਼ਡਿਊਲ ਤਹਿਤ ਉਡਾਣਾਂ ਕਿਉਂ ਨਹੀਂ ਚਲਾਈਆਂ ਗਈਆਂ। ਏਅਰਪੋਰਟ ਅਥਾਰਟੀ ਕੰਪਨੀਆਂ ਦੇ ਜਵਾਬ ਦੀ ਉਡੀਕ ਕਰ ਰਹੀ ਹੈ।
ਪੰਜ ਕੰਪਨੀਆਂ ਨੂੰ ਮਿਲੀ ਸੀ ਉਡਾਣਾਂ ਸ਼ੁਰੂ ਕਰਨ ਦੀ ਮਨਜ਼ੂਰੀ: ਏਅਰ ਟ੍ਰੈਫਿਕ ਕੰਟਰੋਲ ਅਤੇ ਏਅਰਪੋਰਟ ਅਥਾਰਟੀ ਨੇ ਸਰਦੀਆਂ ਦੇ ਸ਼ਡਿਊਲ 'ਚ ਪੰਜ ਕੰਪਨੀਆਂ ਨੂੰ ਨੌਂ ਰਾਜਾਂ ਲਈ ਉਡਾਣਾਂ ਸ਼ੁਰੂ ਕਰਨ ਦੀ ਮਨਜ਼ੂਰੀ ਦਿੱਤੀ ਸੀ ਪਰ ਡੇਢ ਮਹੀਨਾ ਬੀਤ ਜਾਣ 'ਤੇ ਵੀ ਅਜੇ ਤੱਕ ਕਿਸੇ ਕੰਪਨੀ ਨੇ ਉਡਾਣਾਂ ਸ਼ੁਰੂ ਨਹੀਂ ਕੀਤੀਆਂ ਹਨ।
ਇਨ੍ਹਾਂ ਕੰਪਨੀਆਂ ਨੂੰ ਦਿੱਤੀ ਗਈ ਸੀ ਇਜਾਜ਼ਤ: ਇਸ ਵਿੱਚ ਏਅਰ ਏਸ਼ੀਆ, ਵਿਸਤਾਰਾ ਅਤੇ ਇੰਡੀਗੋ ਨੂੰ ਗੋਆ ਦੀ ਇਜਾਜ਼ਤ ਦਿੱਤੀ ਗਈ ਸੀ। ਇਸ ਤੋਂ ਇਲਾਵਾ ਏਅਰ ਇੰਡੀਆ ਲਈ ਦਿੱਲੀ, ਬੈਂਗਲੁਰੂ ਅਤੇ ਮੁੰਬਈ ਦੀ ਇਜਾਜ਼ਤ ਸੀ ਜਦਕਿ ਸਪਾਈਸਜੈੱਟ ਲਈ ਹੈਦਰਾਬਾਦ, ਪਟਨਾ, ਵਾਰਾਣਸੀ, ਮੁੰਬਈ ਅਤੇ ਪੁਣੇ ਲਈ ਇਜਾਜ਼ਤ ਦਿੱਤੀ ਗਈ ਸੀ।
ਟਿਕਟ ਬੁਕਿੰਗ ਪ੍ਰਕਿਰਿਆ ਨਹੀਂ ਹੋਈ ਸ਼ੁਰੂ: ਸਲਾਟ ਬੁੱਕ ਹੋਣ ਤੋਂ ਬਾਅਦ ਕੰਪਨੀਆਂ ਨੂੰ ਆਨਲਾਈਨ ਟਿਕਟ ਬੁਕਿੰਗ ਦੀ ਪ੍ਰਕਿਰਿਆ ਸ਼ੁਰੂ ਕਰਨੀ ਪੈਂਦੀ ਹੈ ਪਰ ਹੁਣ ਤੱਕ ਕਿਸੇ ਵੀ ਏਅਰਲਾਈਨ ਕੰਪਨੀ ਨੇ ਇਹ ਪ੍ਰਕਿਰਿਆ ਸ਼ੁਰੂ ਨਹੀਂ ਕੀਤੀ ਹੈ। ਸੂਤਰਾਂ ਦੀ ਮੰਨੀਏ ਤਾਂ ਇਹ ਸਾਰੀਆਂ ਉਡਾਣਾਂ ਨਵੇਂ ਸਾਲ 'ਚ ਸ਼ੁਰੂ ਹੋ ਜਾਣਗੀਆਂ। ਕੰਪਨੀਆਂ ਨੇ ਇਸ ਬਾਰੇ ਅਜੇ ਕੋਈ ਪ੍ਰਤੀਕਿਰਿਆ ਨਹੀਂ ਦਿੱਤੀ ਹੈ।
- AGTF ਨੇ ਪ੍ਰੋਡਕਸ਼ਨ ਵਾਰੰਟ 'ਤੇ ਗੈਂਗਸਟਰ ਸੰਪਤ ਨਹਿਰਾ ਨੂੰ ਬਠਿੰਡਾ ਜੇਲ੍ਹ ਤੋਂ ਲਿਆਂਦਾ ਰੋਪੜ, ਗੋਗਾਮੇਡੀ ਕਤਲਕਾਂਡ 'ਚ ਅੱਠ ਦਿਨ ਦਾ ਮਿਲਿਆ ਰਿਮਾਂਡ
- Majithia praised CM Bhagwant Mann: ਬਿਕਰਮ ਮਜੀਠੀਆ ਨੇ ਵੱਖਰੇ ਅੰਦਾਜ਼ 'ਚ ਕੀਤੀ CM ਮਾਨ ਦੀਆਂ ਅੱਖਾਂ ਦੀ ਤਰੀਫ,ਸੋਸ਼ਲ ਮੀਡੀਆ 'ਤੇ ਵੀਡੀਓ ਕੀਤਾ ਸਾਂਝਾ
- 20 ਮਹੀਨਿਆਂ 'ਚ ਮਾਨ ਸਰਕਾਰ ਨੇ ਲਿਆ 60 ਹਜ਼ਾਰ ਕਰੋੜ ਦਾ ਕਰਜ਼ਾ, ਵਿਰੋਧੀਆਂ ਨੇ ਘੇਰੀ ਸਰਕਾਰ, ਪੜ੍ਹੋ ਕੀ ਕਹਿ ਰਹੇ ਨੇ...
ਕੰਪਨੀਆਂ ਤੋਂ ਜਵਾਬ ਦੀ ਉਡੀਕ: ਇਸ ਮਾਮਲੇ ਵਿੱਚ ਚੰਡੀਗੜ੍ਹ ਇੰਟਰਨੈਸ਼ਨਲ ਏਅਰਪੋਰਟ ਦੇ ਸੀਈਓ ਰਾਕੇਸ਼ ਰੰਜਨ ਦਾ ਕਹਿਣਾ ਹੈ ਕਿ ਜਿਨ੍ਹਾਂ ਕੰਪਨੀਆਂ ਨੂੰ ਸਲਾਟ ਅਲਾਟ ਕੀਤੇ ਗਏ ਸਨ, ਉਨ੍ਹਾਂ ਨੂੰ ਅਥਾਰਟੀ ਵੱਲੋਂ ਈਮੇਲ ਕਰਕੇ ਉਡਾਣਾਂ ਸ਼ੁਰੂ ਨਾ ਕਰਨ ਦਾ ਕਾਰਨ ਪੁੱਛਿਆ ਗਿਆ ਹੈ, ਪਰ ਅਜੇ ਤੱਕ ਕਿਸੇ ਵੀ ਕੰਪਨੀ ਵੱਲੋਂ ਕੋਈ ਜਵਾਬ ਨਹੀਂ ਆਇਆ ਹੈ। ਇਸ ਦੇ ਨਾਲ ਹੀ ਏਅਰਪੋਰਟ ਤੋਂ ਸ਼ਾਰਜਾਹ ਫਲਾਈਟਾਂ ਨੂੰ ਬਹਾਲ ਕਰਨ ਸਬੰਧੀ ਕੰਪਨੀ ਨੂੰ ਤੀਜੀ ਵਾਰ ਈਮੇਲ ਭੇਜ ਕੇ ਜਵਾਬ ਮੰਗਿਆ ਗਿਆ ਹੈ।
