ਚੰਡੀਗੜ੍ਹ: ਪਿਆਜ਼ ਦੀਆਂ ਵਧੀਆਂ ਕੀਮਤਾਂ ਨੇ ਆਮ ਲੋਕਾਂ ਦੀ ਅੱਖਾਂ ਵਿਚੋਂ ਹੰਝੂ ਕੱਢਾ ਦਿੱਤੇ ਹਨ। ਸਬਜ਼ੀ ਮੰਡੀ 'ਚ ਪਿਆਜ਼ 60 ਤੋਂ 70 ਰੁਪਏ ਪ੍ਰਤੀ ਕਿੱਲੋ ਵਿਕ ਰਿਹਾ ਹੈ। ਪਿਆਜ਼ ਦੀ ਮੰਦਹਾਲੀ ਤੇ ਵਧੀਆਂ ਕੀਮਤਾਂ ਕਾਰਨ ਪਿਆਜ਼ ਅਫਗਾਨਿਸਤਾਨ ਤੋਂ ਚੰਡੀਗੜ੍ਹ ਦੀਆਂ ਮੰਡੀਆਂ ਵਿੱਚ ਪਹੁੰਚ ਰਿਹਾ ਹੈ ਜਿਸ ਕਾਰਨ ਹੁਣ ਪਿਆਜ਼ ਦੀ ਕੀਮਤ ਵੀ ਘਟਣਾ ਸ਼ੁਰੂ ਹੋ ਗਈ ਹੈ।
ਦਰਅਸਲ ਪਿਆਜ਼ ਦੀਆਂ ਵਧੀਆਂ ਕੀਮਤਾਂ ਨੂੰ ਲੈ ਕੇ ਤਾਜ਼ਾ ਜਾਣਕਾਰੀ ਲੈਣ ਲਈ ਈਟੀਵੀ ਭਾਰਤ ਦੀ ਟੀਮ ਵੱਲੋਂ ਚੰਡੀਗੜ੍ਹ ਵਿੱਚ ਉੱਤਰੀ ਭਾਰਤ ਦੀ ਇੱਕ ਅਹਿਮ ਸਬਜ਼ੀ ਮੰਡੀ ਸੈਕਟਰ 26 ਦੀ ਮਾਰਕੀਟ ਦਾ ਦੌਰਾ ਕੀਤਾ ਗਿਆ, ਜਿੱਥੇ ਪਿਆਜ਼ ਦੀਆਂ ਕੀਮਤਾਂ ਵਿੱਚ ਪਹਿਲਾਂ ਨਾਲੋਂ ਕਟੌਤੀ ਹੋਈ ਹੈ ਜਿਹੜਾ ਪਿਆਜ਼ ਸੱਠ ਰੁਪਏ ਕਿਲੋਂ ਦੇ ਹਿਸਾਬ 'ਤੇ ਵਿਕ ਰਿਹਾ ਸੀ ਹੁਣ ਉਹ ਘੱਟ ਕੇ 35 ਤੋਂ 40 ਰੁਪਏ ਹੋ ਗਿਆ ਹੈ।
ਸੈਕਟਰ 26 ਦੇ ਆੜ੍ਹਤੀ ਕੰਵਰਪਾਲ ਨੇ ਗੱਲਬਾਤ ਕਰਦਿਆਂ ਦੱਸਿਆ ਕਿ ਦੱਖਣੀ ਭਾਰਤ ਵਿੱਚ ਆਏ ਹੜ੍ਹ ਤੋਂ ਬਾਅਦ ਖੇਤੀਬਾੜੀ ਨੂੰ ਕਾਫੀ ਨੁਕਸਾਨ ਹੋਇਆ ਸੀ ਜਿਸ ਕਾਰਨ ਜਿੱਥੇ ਪਿਆਜ਼ ਦੀ ਖੇਤੀ ਹੁੰਦੀ ਸੀ ਉੱਥੇ ਉਹ ਨਹੀਂ ਹੋ ਸਕੀ। ਪਿਆਜ਼ ਦੀ ਸਪਲਾਈ ਵਿੱਚ ਵੀ ਇਸ ਦਾ ਅਸਰ ਪਿਆ ਹੈ ਤਾਂ ਜੋ ਦੱਖਣੀ ਭਾਰਤ ਤੋਂ ਆਉਣ ਵਾਲੇ ਪਿਆਜ਼ ਵਿੱਚ ਕਟੌਤੀ ਹੋਈ ਤਾਂ ਕੀਮਤਾਂ ਵੱਧ ਗਈਆਂ। ਕੰਵਰਪਾਲ ਨੇ ਦੱਸਿਆ ਕਿ ਹੁਣ ਪਿਆਜ਼ ਕਰਨਾਟਕਾ ਅਤੇ ਹੋਰ ਦੱਖਣੀ ਹਿੱਸਿਆਂ ਤੋਂ ਆਉਣਾ ਸ਼ੁਰੂ ਹੋਇਆ ਹੈ ਪਰ ਅਹਿਮ ਗੱਲ ਇਹ ਹੈ ਕਿ ਅਫਗਾਨਿਸਤਾਨ ਤੋਂ ਵੀ ਪਿਆਜ਼ ਭਾਰਤ ਆ ਰਿਹਾ ਹੈ। ਵਾਘਾ-ਅਟਾਰੀ ਬਾਰਡਰ ਰਾਹੀਂ ਪਿਆਜ਼ ਦੀ ਸਪਲਾਈ ਭਾਰਤ ਹੋ ਰਹੀ ਹੈ। ਆੜ੍ਹਤੀ ਦਾ ਕਹਿਣਾ ਹੈ ਕਿ ਆਉਣ ਵਾਲੇ ਦਿਨਾਂ ਵਿੱਚ ਪਿਆਜ਼ ਦੀ ਕੀਮਤਾਂ ਵਿੱਚ ਹੋਰ ਕਟੌਤੀ ਹੋ ਸਕਦੀ ਹੈ।
ਇਹ ਵੀ ਪੜੋ- ਪਠਾਨਕੋਟ ਵਿੱਚ ਹਾਈ ਅਲਰਟ, ਪੁਲਿਸ ਹਰ ਨਾਕੇ ਉੱਤੇ ਮੁਸਤੈਦ
