ਨਵੀਂ ਦਿੱਲੀ: ਉੱਤਰਾਖੰਡ 'ਚ ਚਾਰ ਧਾਮ ਯਾਤਰਾ ਹੁਣ ਸਮਾਪਤੀ ਵੱਲ ਹੈ। ਸੋਮਵਾਰ ਨੂੰ ਵਿਸ਼ਵ ਪ੍ਰਸਿੱਧ ਧਾਮ ਗੰਗੋਤਰੀ ਦੇ ਕਿਵਾੜ ਵਿਧੀ-ਵਿਧਾਨ ਨਾਲ ਸਰਦ ਰੁੱਤ ਲਈ ਬੰਦ ਕਰ ਦਿੱਤੇ ਸੀ। ਇਸ ਦੇ ਨਾਲ ਹੀ ਅੱਜ ਕੇਦਾਰਨਾਥ ਤੇ ਯਮੁਨੋਤਰੀ ਧਾਮ ਦੇ ਕਿਵਾੜ ਭਈਆ ਦੂਜ 'ਤੇ ਬੰਦ ਕਰ ਦਿੱਤੇ ਹਨ।
ਕੇਦਾਰਨਾਥ ਤੇ ਯਮੁਨੋਤਰੀ ਧਾਮ ਦੇ ਕਿਵਾੜ ਬੰਦ ਕਰਨ ਲਈ ਸੈਂਕੜੇ ਸ਼ਰਧਾਲੂਆਂ ਦੀ ਹਾਜ਼ਰੀ ਵਿਚ ਸਵੇਰੇ 8 : 30 ਵਜੇ ਪ੍ਰਕਿਰਿਆ ਸ਼ੁਰੂ ਕੀਤੀ ਗਈ। ਇਸ ਦੌਰਾਨ ਮੰਤਰਾਂ ਦੇ ਉਚਾਰਨ ਤੇ ਗੰਗਾ ਲਹਿਰੀ ਦੇ ਪਾਠ ਨਾਲ ਗੰਗਾ ਦੀ ਮੂਰਤੀ ਦਾ ਮੁਕਟ ਉਤਾਰਿਆ ਗਿਆ।
ਸਵੇਰੇ 11:40 ਵਜੇ ਭੋਗ ਮੂਰਤੀ ਨੂੰ ਮੰਦਰ ਤੋਂ ਬਾਹਰ ਲਿਆ ਕੇ ਡੋਲੀ ਵਿਚ ਬਿਰਾਜਮਾਨ ਕੀਤਾ ਗਿਆ ਤੇ ਇਸ ਦੇ ਨਾਲ ਹੀ ਮੰਦਰ ਦੇ ਕਿਵਾੜ ਬੰਦ ਕਰ ਦਿੱਤੇ ਗਏ।
ਗੰਗਾ ਦੇ ਜੈਕਾਰਿਆਂ ਦਰਮਿਆਨ ਨੌਵੀਂ ਬਿਹਾਰ ਰੈਜੀਮੈਂਟ ਦੇ ਬੈਂਡ ਦੀ ਧੁਨ ਤੇ ਰਵਾਇਤੀ ਢੋਲ ਦਮਾਊਂ ਦੀ ਥਾਪ ਨਾਲ ਡੋਲੀ ਮੁਖਬਾ ਲਈ ਰਵਾਨਾ ਹੋਈ। ਸ਼ਾਮ ਨੂੰ ਡੋਲੀ ਮੁਖਬਾ ਤੋਂ ਚਾਰ ਕਿਲੋਮੀਟਰ ਦੂਰ ਚੰਦੋਮਤੀ ਮੰਦਰ ਪੁੱਜੀ। ਰਾਤ ਨੂੰ ਆਰਾਮ ਤੋਂ ਬਾਅਦ ਡੋਲੀ ਮੰਗਲਵਾਰ ਸਵੇਰੇ ਮੁਖਬਾ ਪੁੱਜੇਗੀ।
ਇਸ ਮੌਕੇ ਗੰਗੋਤਰੀ ਵਿਧਾਇਕ ਗੋਪਾਲ ਰਾਵ, ਗੰਗੋਤਰੀ ਗੰਗੋਤਰੀ ਮੰਦਰ ਕਮੇਟੀ ਦੇ ਪ੍ਰਧਾਨ ਸੁਰੇਸ਼ ਸੇਮਵਾਲ, ਸਕੱਤਰ ਦੀਪਕ ਸੇਮਵਾਲ ਤੇ ਸਹਿ ਸਕੱਤਰ ਰਾਜੇਸ਼ ਸੇਮਵਾਲ ਤੋਂ ਇਲਾਵਾ ਜ਼ਿਲ੍ਹਾ ਪ੍ਰਸ਼ਾਸਨ ਦੇ ਅਧਿਕਾਰ ਮੌਜੂਦ ਸਨ।
ਇਸ ਮੌਕੇ ਲਈ ਦੋਵਾਂ ਧਾਮਾਂ 'ਚ ਮੰਦਰਾਂ ਨੂੰ ਫੁੱਲਾਂ ਨਾਲ ਸਜਾਇਆ ਗਿਆ ਹੈ। ਮੰਗਲਵਾਰ ਨੂੰ ਕੇਦਾਰਨਾਥ ਧਾਮ ਦੇ ਕਿਵਾੜ ਸਵੇਰੇ 8 :30 ਤੇ ਯਮੁਨੋਤਰੀ ਧਾਮ ਦੇ ਕਿਵਾੜ ਦੁਪਹਿਰ ਬਾਅਦ 12 :25 ਵਜੇ ਸ਼ਰਧਾਲੂਆਂ ਲਈ ਬੰਦ ਕਰ ਦਿੱਤੇ।
ਇਹ ਵੀ ਪੜੋ: LIVE: PM ਮੋਦੀ ਦਾ ਸਾਊਦੀ ਅਰਬ ਦੌਰਾ, 12 ਸਮਝੌਤਿਆਂ 'ਤੇ ਹੋ ਸਕਦੇ ਨੇ ਦਸਤਖ਼ਤ
ਜਦਕਿ ਬਦਰੀਨਾਥ ਧਾਮ ਦੇ ਕਿਵਾੜ 17 ਨਵੰਬਰ ਨੂੰ ਬੰਦ ਹੋਣਗੇ।
