ਚੰਡੀਗੜ੍ਹ: ਕੈਨੇਡਾ 'ਚ ਭਾਰਤ ਦੇ ਏ ਸ਼੍ਰੇਣੀ ਦੇ ਗੈਂਗਸਟਰ ਸੁਖਦੁਲ ਸਿੰਘ ਗਿੱਲ ਉਰਫ ਸੁੱਖਾ ਦੁੱਨੇਕੇ ਦੇ ਕਤਲ ਮਾਮਲੇ 'ਚ ਵੱਡਾ ਖੁਲਾਸਾ ਹੋਇਆ ਹੈ। ਕੈਨੇਡੀਅਨ ਖੁਫੀਆ ਏਜੰਸੀਆਂ ਦੇ ਅਨੁਸਾਰ, ਦੁੱਨੇਕੇ ਦੀ ਮੌਤ ਅੱਤਵਾਦੀ-ਗੈਂਗਸਟਰ ਗਠਜੋੜ ਕਾਰਨ ਹੋਈ ਹੈ। ਇੰਨਾ ਹੀ ਨਹੀਂ ਸੁੱਖਾ ਦੁੱਨੇਕੇ ਦੀ ਮੌਤ ਦੇ ਪਿੱਛੇ ਦੇ ਤਾਰ ਕੈਨੇਡਾ 'ਚ ਹੀ ਮਾਰੇ ਗਏ ਖਾਲਿਸਤਾਨੀ ਪੱਖੀ ਅੱਤਵਾਦੀ ਹਰਦੀਪ ਸਿੰਘ ਨਿੱਝਰ ਨਾਲ ਵੀ ਜੁੜ ਰਹੇ ਹਨ।
ਅੱਤਵਾਦੀ-ਗੈਂਗਸਟਰਾਂ ਦਾ ਗਠਜੋੜ: ਏਜੰਸੀਆਂ ਤੋਂ ਮਿਲੇ ਇਨਪੁਟਸ ਮੁਤਾਬਕ ਪਿਛਲੇ ਕੁਝ ਸਾਲਾਂ 'ਚ ਕੈਨੇਡਾ 'ਚ ਅੱਤਵਾਦੀ-ਗੈਂਗਸਟਰਾਂ ਦਾ ਗਠਜੋੜ ਵਧਿਆ ਹੈ। ਇਹੀ ਕਾਰਨ ਹੈ ਕਿ ਪਿਛਲੇ ਕੁਝ ਸਾਲਾਂ ਵਿੱਚ ਭਾਰਤ ਵਿੱਚ ਵਾਪਰੀਆਂ ਘਟਨਾਵਾਂ ਵਿੱਚ ਵੀ ਅੱਤਵਾਦੀ-ਗੈਂਗਸਟਰਾਂ ਦਾ ਗਠਜੋੜ ਨਜ਼ਰ ਆ ਰਿਹਾ ਹੈ। ਇਕ ਪਾਸੇ ਖਾਲਿਸਤਾਨੀ ਹਰਦੀਪ ਸਿੰਘ ਨਿੱਝਰ ਅਤੇ ਅਰਸ਼ ਡੱਲਾ ਗਰੁੱਪ ਕੈਨੇਡਾ 'ਚ ਆਪਣਾ ਦਬਦਬਾ ਵਧਾਉਣ 'ਚ ਲੱਗਾ ਹੋਇਆ, ਉਥੇ ਹੀ ਉਨ੍ਹਾਂ ਦੇ ਸਾਹਮਣੇ ਲਾਰੈਂਸ-ਅੱਤਵਾਦੀ ਲਖਬੀਰ ਲੰਡਾ ਦਾ ਗਰੁੱਪ ਹੈ। ਜਿਸ ਨੂੰ ਪਾਕਿਸਤਾਨ ਵਿੱਚ ਬੈਠੇ ਹਰਵਿੰਦਰ ਸਿੰਘ ਰਿੰਦਾ ਦਾ ਵੀ ਸਮਰਥਨ ਹਾਸਲ ਹੈ।
- India Canada Dispute: ਕੈਨੇਡਾ ਦੇ ਰੱਖਿਆ ਮੰਤਰੀ ਨੇ ਇਲਜ਼ਾਮਾਂ ਨੂੰ ਦੱਸਿਆ ਚੁਣੌਤੀ ਭਰਿਆ ਮੁੱਦਾ, ਕਿਹਾ- ਭਾਰਤ ਨਾਲ ਰਿਸ਼ਤੇ ਜ਼ਰੂਰੀ ਪਰ ਸੱਚ ਸਾਹਮਣੇ ਲਿਆਉਣਾ ਹੈ ਪਹਿਲ
- India vs Canada: ਸਵਾਲਾਂ ਵਿੱਚ ਘਿਰੇ ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ, ਕੈਨੇਡੀਅਨ ਮੀਡੀਆ ਨੇ ਮੰਗੇ ਸਬੂਤ
- Balkaur Singh Target Kangana Ranaut: ਸਿੱਧੂ ਮੂਸੇਵਾਲੇ ਦੇ ਪਿਤਾ ਦਾ ਅਦਾਕਾਰਾ ਕੰਗਨਾ ਰਣੌਤ 'ਤੇ ਤੰਜ, ਕਿਹਾ- ਕੰਗਨਾ ਦੇ ਫਿਰਕਾਪ੍ਰਸਤੀ ਪੈਦਾ ਕਰਨ ਵਾਲੇ ਬਿਆਨ
ਸੁੱਖਾ ਦੁੱਨੇਕੇ ਨੂੰ ਅੱਤਵਾਦੀ ਨਿੱਝਰ ਦਾ ਸਮਰਥਨ: ਪ੍ਰਾਪਤ ਜਾਣਕਾਰੀ ਅਨੁਸਾਰ 2017 ਵਿੱਚ ਭਾਰਤ ਤੋਂ ਭੱਜ ਕੇ ਕੈਨੇਡਾ ਆਏ ਸੁੱਖਾ ਦੁੱਨੇਕੇ ਨੂੰ ਅਰਸ਼ ਡੱਲਾ ਨੇ ਪਨਾਹ ਦਿੱਤੀ ਸੀ। ਕੈਨੇਡਾ ਪਹੁੰਚ ਕੇ ਸੁੱਖਾ ਦੁੱਨੇਕੇ ਨੇ ਅਰਸ਼ ਡੱਲਾ ਅਤੇ ਹਰਦੀਪ ਸਿੰਘ ਨਿੱਝਰ ਦੇ ਇਸ਼ਾਰਿਆਂ 'ਤੇ ਨੱਚਣਾ ਸ਼ੁਰੂ ਕਰ ਦਿੱਤਾ। ਇਸ ਦੇ ਨਾਲ ਹੀ ਨਿੱਝਰ ਅਤੇ ਡੱਲਾ ਗਰੁੱਪਾਂ ਦਾ ਦਬਦਬਾ ਲਗਾਤਾਰ ਵਧਦਾ ਜਾ ਰਿਹਾ ਸੀ। ਜਿਸ ਤੋਂ ਬਾਅਦ ਲਾਰੈਂਸ ਅਤੇ ਲੰਡਾ ਗਰੁੱਪ ਨੇ ਸੁੱਖਾ ਦੁੱਨੇਕੇ ਨੂੰ ਨਿਸ਼ਾਨਾ ਬਣਾਇਆ। ਇਨਪੁਟ ਇਹ ਵੀ ਮਿਲਿਆ ਹੈ ਕਿ ਅੱਤਵਾਦੀ ਨਿੱਝਰ ਦੇ ਕਤਲ ਪਿੱਛੇ ਉਸੇ ਲਾਰੈਂਸ-ਲੰਡਾ ਦੇ ਅੱਤਵਾਦੀ-ਗੈਂਗਸਟਰ ਗਠਜੋੜ ਦਾ ਹੱਥ ਹੋ ਸਕਦਾ ਹੈ।
ਵਿਨੀਪੈਗ ਵਿੱਚ ਮਾਰਿਆ ਗਿਆ ਸੁੱਖਾ ਦੁੱਨੇਕੇ: ਸੁੱਖਾ ਦੁੱਨੇਕੇ ਦਾ ਚਾਰ ਦਿਨ ਪਹਿਲਾਂ ਕੈਨੇਡਾ ਦੇ ਵਿਨੀਪੈਗ ਵਿੱਚ ਕਤਲ ਕਰ ਦਿੱਤਾ ਗਿਆ। 20 ਸਤੰਬਰ ਨੂੰ ਸਥਾਨਕ ਸਮੇਂ ਅਨੁਸਾਰ ਸਵੇਰੇ 10 ਵਜੇ ਨਾਰਥ ਇੰਕਸਟਰ ਉਦਯੋਗਿਕ ਖੇਤਰ ਵਿੱਚ ਇਸ ਕਤਲ ਦੀ ਸੂਚਨਾ ਮਿਲੀ। ਹੇਜ਼ਲਟਨ ਡਰਾਈਵ ਦੇ 200 ਬਲਾਕ ਵਿੱਚ ਸਥਿਤ ਇੱਕ ਰਿਹਾਇਸ਼ ਤੋਂ ਸੁੱਖਾ ਦੁੱਨੇਕੇ ਦੀ ਲਾਸ਼ ਮਿਲੀ। ਗੋਲੀਆਂ ਮਾਰ ਕਿ ਉਸ ਦੀ ਹੱਤਿਆ ਕੀਤੀ ਗਈ।
