ਬਠਿੰਡਾ: ਸੂਬੇ ਵਿੱਚ ਹੋ ਰਹੀ ਬਰਸਾਤ ਨਾਲ ਜਿੱਥੇ ਆਮ ਲੋਕਾਂ ਨੂੰ ਗਰਮੀ ਤੋਂ ਰਾਹਤ ਮਿਲੀ ਹੈ ਉੱਥੇ ਹੀ ਇਹ ਬਰਸਾਤ ਪਰੇਸ਼ਾਨੀ ਦਾ ਸਬੱਬ ਵੀ ਬਣੀ ਹੋੋਈ ਹੈ। ਬਠਿੰਡਾ ਦੇ ਪਿੰਡ ਭਗਤਾ ਭਾਈਕਾ 'ਚ ਮਹੇਸ਼ ਮੁਨੀ ਬੋਰੇ ਵਾਲਾ ਗਊਸ਼ਾਲਾ ਦੀ ਛੱਤ ਡਿੱਗਣ ਕਾਰਨ ਕਈ ਪਸ਼ੂ ਛੱਤ ਹੇਠ ਦੱਬੇ ਗਏ। ਇਹ ਛੱਤ ਭਾਰੀ ਬਰਸਾਤ ਕਾਰਨ ਡਿੱਗੀ। ਘਟਨਾ ਤੋਂ ਬਾਅਦ ਪ੍ਰਸ਼ਾਸਨ ਵੱਲੋਂ ਰਾਹਤ ਅਤੇ ਬਚਾਅ ਕਾਰਜ ਜਾਰੀ ਹੈ। ਇਸ ਹਾਦਸੇ 'ਚ ਕਿੰਨੇ ਪਸ਼ੂ ਛੱਤ ਹੇਠਾਂ ਦੱਬੇ ਗਏ ਹਨ, ਇਸ ਦੀ ਪੁਸ਼ਟੀ ਹੋਣੀ ਫ਼ਿਲਹਾਲ ਬਾਕੀ ਹੈ।
ਵੀਡੀਓ
ਸੋਲਨ ਹਾਦਸਾ: 13 ਜਵਾਨਾਂ ਸਮੇਤ 14 ਦੀ ਮੌਤ
ਦੱਸਣਯੋਗ ਹੈ ਕਿ ਭਾਰੀ ਬਰਸਾਤ ਕਾਰਨ ਹਿਮਾਚਲ ਦੇ ਸੋਲਨ 'ਚ ਵੀ ਇਮਾਰਤ ਡਿੱਗਣ ਨਾਲ ਵੱਡਾ ਹਾਦਸਾ ਵਾਪਰ ਗਿਆ ਸੀ। ਕੁਮਾਰਹੱਟੀ 'ਚ ਹੋਏ ਇਸ ਦਰਦਨਾਕ ਹਾਦਸੇ 'ਚ 14 ਲੋਕਾਂ ਨੇ ਆਪਣੀ ਜਾਨ ਗੁਆਈ, ਜਿਸ 'ਚ 13 ਫ਼ੌਜ ਦੇ ਜਵਾਨ ਅਤੇ ਇੱਕ ਆਮ ਨਾਗਰਿਕ ਸ਼ਾਮਿਲ ਹੈ। ਇਮਾਰਤ ਡਿੱਗਣ ਕਾਰਨ ਮਲਬੇ ਹੇਠ 42 ਲੋਕ ਦੱਬੇ ਗਏ ਸਨ।
