ਬਠਿੰਡਾ 'ਚ ਆਟੋ ਡ੍ਰਾਈਵਰਾਂ ਨੇ ਫ਼ੌਜੀਆਂ ਨੂੰ ਦਿੱਤੀ ਫ੍ਰੀ ਆਟੋ ਸੇਵਾ

ਵਿੰਗ ਕਮਾਂਡਰ ਅਭਿਨੰਦਨ ਦੀ ਭਾਰਤ ਪਰਤਣ ਦੀ ਖ਼ੁਸ਼ੀ ਵਜੋਂ ਆਟੋ ਡ੍ਰਾਈਵਰਾਂ ਨੇ ਫ਼ੌਜੀਆਂ ਲਈ ਰੇਲਵੇ ਸਟੇਸ਼ਨ ਤੋਂ ਬਠਿੰਡਾ ਕੈਂਟ ਤੱਕ ਜਾਣ ਲਈ ਫ੍ਰੀ ਆਟੋ ਸੇਵਾ ਦਿੱਤੀ।

ਬਠਿੰਡਾ: ਸ਼ਹਿਰ ਵਿੱਚ ਆਟੋ ਡ੍ਰਾਈਵਰਾਂ ਨੇ ਵਿੰਗ ਕਮਾਂਡਰ ਅਭਿਨੰਦਨ ਦੀ ਭਾਰਤ ਪਰਤਣ ਦੀ ਖ਼ੁਸ਼ੀ ਵਿੱਚ ਫ਼ੌਜੀਆਂ ਲਈ ਰੇਲਵੇ ਸਟੇਸ਼ਨ ਤੋਂ ਬਠਿੰਡਾ ਕੈਂਟ ਤੱਕ ਜਾਣ ਲਈ ਫ੍ਰੀ ਆਟੋ ਸੇਵਾ ਦਿੱਤੀ।

ਦੱਸ ਦਈਏ, ਇੱਕ ਪਾਸੇ ਜਿੱਥੇ ਭਾਰਤ-ਪਾਕਿ ਸਬੰਧਾਂ ਨੂੰ ਲੈ ਕੇ ਮੁਲਕ 'ਚ ਤਣਾਅ ਦੀ ਮਾਹੌਲ ਹੈ, ਉੱਥੇ ਹੀ ਦੂਜੇ ਪਾਸੇ ਪਾਕਿਸਤਾਨ ਤੋਂ ਪਰਤੇ ਭਾਰਤੀ ਵਿੰਗ ਕਮਾਂਡਰ ਅਭਿਨੰਦਨ ਨੂੰ ਲੈ ਕੇ ਦੇਸ਼ ਵਿੱਚ ਖੁਸ਼ੀ ਦੀ ਲਹਿਰ ਵੀ ਵੇਖਣ ਨੂੰ ਮਿਲ ਰਹੀ ਹੈ।ਇਸ ਸਬੰਧੀ ਫ਼ੌਜੀਆਂ ਨੇ ਆਟੋ ਡ੍ਰਾਈਵਰਾਂ ਦੇ ਇਸ ਕਦਮ ਨੂੰ ਸ਼ਲਾਘਾਯੋਗ ਕਦਮ ਦੱਸਿਆ। ਉਨ੍ਹਾਂ ਨੇ ਦੇਸ਼ ਦੀ ਜਨਤਾ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਅਜਿਹੀ ਫ੍ਰੀ ਸੇਵਾ ਨਾਲ ਮਾਣ ਮਹਿਸੂਸ ਹੁੰਦਾ ਹੈ ਤੇ ਸਾਡਾ ਹੌਂਸਲਾ ਹੋਰ ਵੀ ਬੁਲੰਦ ਹੁੰਦਾ ਹੈ।