ਬਰਨਾਲਾ: ਸਥਾਨਕ ਬੱਸ ਸਟੈਂਡ ਵਿੱਚ ਖੜ੍ਹੀ ਇੱਕ ਪ੍ਰਾਈਵੇਟ ਕੰਪਨੀ ਦੀ ਬੱਸ ਨੂੰ ਅਚਾਨਕ ਅੱਗ ਲੱਗ ਗਈ। ਦੱਸ ਦਈਏ, ਇਹ ਬੱਸ ਸਟੈਂਡ 'ਤੇ ਬੱਸ ਖਾਲੀ ਖੜ੍ਹੀ ਸੀ ਜਿਸ ਦੌਰਾਨ ਅਚਾਨਕ ਬੱਸ ਦੀ ਡੀਜ਼ਲ ਟੰਕੀ ਨੂੰ ਅੱਗ ਲੱਗ ਗਈ।
ਇਸ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਬੱਸ ਦੇ ਡਰਾਈਵਰ ਮਨਜੀਤ ਸਿੰਘ ਨੇ ਦੱਸਿਆ ਕਿ ਉਹ ਬੱਸ ਫ਼ਰੀਦਕੋਟ ਤੋਂ ਲੈ ਕੇ ਬਰਨਾਲਾ ਬੱਸ ਸਟੈਂਡ ਵਿੱਚ ਆਇਆ ਸੀ ਤੇ ਹੁਣ ਅੱਗੇ ਉਸ ਨੇ ਮਲੇਰਕੋਟਲਾ ਜਾਣਾ ਸੀ।
ਮਨਜੀਤ ਸਿੰਘ ਨੇ ਅੱਗੇ ਦੱਸਿਆ ਕਿ ਬੱਸ ਵਿੱਚ ਕਿਸੇ ਖ਼ਰਾਬੀ ਨੂੰ ਦੂਰ ਕਰਵਾਉਣ ਲਈ ਉਹ ਬਰਨਾਲਾ ਬੱਸ ਸਟੈਂਡ 'ਤੇ ਹੀ ਬੱਸ ਠੀਕ ਕਰਵਾ ਰਿਹਾ ਸੀ। ਇਸ ਦੌਰਾਨ ਅਚਾਨਕ ਬੱਸ ਦੀ ਡੀਜ਼ਲ ਟੈਂਕੀ ਵਿੱਚੋਂ ਧੂੰਆਂ ਨਿਕਲਣ ਲੱਗਿਆ ਤੇ ਅੱਗ ਲੱਗ ਗਈ।
ਇਸ ਤੋਂ ਬਾਅਦ ਉਹ ਛੇਤੀ ਬੱਸ ਨੂੰ ਲੈ ਕੇ ਬੱਸ ਸਟੈਂਡ ਤੋਂ ਬਾਹਰ ਨਿਕਲਿਆ ਤੇ ਅਬਾਦੀ ਵਾਲੇ ਇਲਾਕੇ ਤੋਂ ਦੂਰ ਲੈ ਗਿਆ ਤੇ ਰਾਹ ਵਿੱਚ ਹੀ ਫਾਇਰ ਬਿਗ੍ਰੇਡ ਦੀ ਗੱਡੀ ਨੂੰ ਫੋਨ ਕਰ ਦਿੱਤਾ। ਘਟਨਾ ਦੀ ਜਾਣਕਾਰੀ ਮਿਲਦਿਆਂ ਹੀ ਫਾਇਰ ਬਿਗ੍ਰੇਡ ਦੀ ਗੱਡੀ ਨੇ ਮੌਕੇ 'ਤੇ ਪਹੁੰਚ ਕੇ ਅੱਗ 'ਤੇ ਕਾਬੂ ਪਾ ਲਿਆ।
