ਮਾਰਲੋ (ਇੰਗਲੈਂਡ) : ਭਾਰਤ ਦੀ ਮਹਿਲਾ ਹਾਕੀ ਟੀਮ ਦੀ ਗੋਲਕੀਪਰ ਸਵਿਤਾ ਨੇ ਸ਼ੁੱਕਰਵਾਰ ਨੂੰ 200ਵਾਂ ਕੌਮਾਂਤਰੀ ਮੈਚ ਖੇਡਿਆ। ਸਵਿਤਾ ਨੇ ਮਾਰਲੋ ਵਿੱਚ ਇੰਗਲੈਂਡ ਦੇ ਨਾਲ ਸ਼ੁੱਕਰਵਾਰ ਨੂੰ ਖੇਡੇ ਗਏ 5ਵੇਂ ਅਤੇ ਆਖ਼ਰੀ ਮੁਕਾਬਲੇ ਲਈ ਟਰਫ਼ ਉਤਾਰਦੇ ਹੋਏ ਇਸ ਮੀਲ ਪੱਥਰ ਨੂੰ ਛੂਹਿਆ ਹੈ।
ਸਵਿਤਾ ਨੇ ਸਾਲ 2009 ਵਿੱਚ ਡਰਬਨ ਵਿੱਚ ਸਪਾਰ ਕੱਪ ਫ਼ੋਰ ਨੇਸ਼ੰਸ ਟੂਰਨਾਮੈਂਟ ਦੇ ਨਾਲ ਡੈਬਿਉ ਕੀਤਾ ਸੀ। ਉਨ੍ਹਾਂ ਨੇ 20 ਸਾਲ ਦੀ ਉਮਰ ਵਿੱਚ ਸੀਨੀਅਰ ਟੀਮ ਲਈ ਡੈਬਿਉ ਕੀਤਾ ਸੀ, ਪਰ ਉਸ ਤੋਂ ਪਹਿਲਾਂ ਉਹ ਲੰਬੇ ਸਮੇਂ ਤੱਕ ਜੂਨਿਅਰ ਟੀਮਾਂ ਲਈ ਖੇਡੀ ਸੀ। 29 ਸਾਲ ਦੀ ਸਵਿਤਾ ਨੂੰ 2017 ਵਿੱਚ ਕੈਨੇਡਾ ਵਿੱਚ ਹੋਈ ਵਿਸ਼ਵ ਲੀਗ ਰਾਉਂਡ-2 ਵਿੱਚ ਉੱਚਤਮ ਗੋਲਕੀਪਰ ਚੁਣਿਆ ਗਿਆ ਸੀ। ਉਹ ਸਾਲ 2016 ਵਿੱਚ ਮਹਿਲਾ ਐਕਸ਼ਨ ਚੈਂਪੀਅਨਜ਼ ਟ੍ਰਾਫ਼ੀ ਜਿੱਤਣ ਵਾਲੀ ਟੀਮ ਦਾ ਹਿੱਸਾ ਰਹੀ ਹੈ।
ਸਵਿਤਾ ਨੇ ਆਪਣੇ ਸ਼ਾਨਦਾਰ ਖੇਡ ਦੀ ਬਦੌਲਤ ਸਾਲ 2017 ਵਿੱਚ ਭਾਰਤ ਨੂੰ ਏਸ਼ੀਆ ਕੱਪ ਵਿੱਚ ਸੋਨ ਦਾ ਤਮਗ਼ਾ ਜਿੱਤਣ ਵਿੱਚ ਮਦਦ ਕੀਤੀ ਸੀ। ਸਵਿਤਾ 2018 ਵਿੱਚ ਏਸ਼ੀਆਈ ਚੈਂਪੀਅਨਜ਼ ਟ੍ਰਾਫ਼ੀ ਵਿੱਚ ਚਾਂਦੀ ਅਤੇ 2018 ਏਸ਼ੀਆਈ ਖੇਡਾਂ ਵਿੱਚ ਚਾਂਦੀ ਦਾ ਤਮਗ਼ਾ ਜਿੱਤਣ ਵਾਲੀ ਭਾਰਤੀ ਟੀਮ ਦਾ ਹਿੱਸਾ ਸੀ।
ਆਪਣੇ 10 ਸਾਲ ਦੇ ਕਰਿਅਰ ਦੌਰਾਨ ਸਵਿਤਾ ਨੇ 2016 ਵਿੱਚ ਰਿਓ ਓਲੰਪਿਕ ਵਿੱਚ ਵੀ ਹਿੱਸਾ ਲਿਆ ਸੀ। ਭਾਰਤੀ ਟੀਮ 2018 ਵਿੱਚ ਮਹਿਲਾ ਵਿਸ਼ਵ ਕੱਪ ਦੇ ਕੁਆਰਟਰ ਫ਼ਾਇਨਲ ਵਿੱਚ ਪਹੁੰਚੀ ਸੀ ਅਤੇ ਸਵਿਤਾ ਉਸ ਟੀਮ ਦਾ ਹਿੱਸਾ ਸੀ।
